1 Mizimbu 22:16 - Livulu lya Shukulu Kalunga

¹⁶ na ngolinde, na siliva, na vunengu, na vikuvo. Ololo shangumuka oni vipangi, Shukulu Kalunga akale amo nove.”

1 Mizimbu 22:16 Iomraidhean Croise

1 Vimyene 2:2

“Simbu yange ya kutsa inete. Pwa muka-kusimpa, co kala na nzili,

1 Vimyene 7:47

Solomoni kasele kupeselesa vivala vyoshe vije vya vunengu a cipeseleso, omwo vyapwile vyavingi manene, co vulemu vwavyo kuvavuzivukile.

1 Mizimbu 22:11

Ndaviti wendekele ngwendi, “Munange, ololo, Shukulu Kalunga Njambi yove akale amo nove, anyunge cikulaeso cendi cakukulingisa kuya kulutwe akumutungila Njuvo.

1 Mizimbu 22:14

Ngwe a Njuvo, akuundangana kwange njinakungulula ngolinde yakupwa 3,400, na siliva yakupwa 34,000 vyakupangesa akuyitunga. Kuwezelela ku vyuma vyoshe evi, kuli lalo vunengu, na vutale vwavungi manene. Co lalo njinavwaesela cimweja mavaya na mamanya, oloni unapande kuwezelelako lalo.

1 Mizimbu 22:15

Uli na vaka-kupanga vavangi manene, co kuli vanu vaka-kupanga ku citapu ca mamanya, kuli vaka-kutunga, na vaka-kushonga, kuli vanu vavangi vaka-vutongwe vakuliseza-seza vaje vasa kupanga

1 Mizimbu 22:3

Co wanenele vutale vwavungi ngeci vafule vimbambo vya ku mapito a ku vikolo, na vikuvo vyakunungilisa, na vunengu lalo vwavungi vuje naumo wai wasele kuvupeselesa.

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

1 Mizimbu 29:2

Njinalingi na nzili yange yoshe kuvwaesa vyakupangesa Njuvo ya Shukulu Kalunga, ngolinde, na siliva, na vunengu, na vutale, na mavaya, na mamanya a seo yakama, na mamanya akwola, na mamanya akucakeya mweka na mweka, na mamanya amavala akusalimba asi.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Filipu 4:13

Njasa kulinga vyuma vyoshe a nzili ije yananjana Kilistu.

Yoshwa 1:2

“Ngamba yange Mosesa natsi, ngecivene, ololo livwaese, katuka yove na vanu va Isalele voshe, ngeci mujavuke Ndonga ya Yondau muye mu lifuti lije linjikavana.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 7:10

Co Shukulu Kalunga wendekele kuli Yoshwa ngwendi, “Induka! Omwo vikajo unalalela ngacije asi?

Maako 4:14

Asinoni Ndembola wendekele kuli Mbalake ngwendi, “Ya! Shukulu Kalunga alinakukutwamenena! Ku litangwa lya lelo ikeye nakundika Sisela ku livoko lyove.” Ngecivene, Mbalake washelumukile kutunda ku Munkinda wa Tavole na vanalume vakupwa 10,000 vaje vamukavele.

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”

1 Samwele 20:13

Nga ikeye nayongola kukuvulumuna, Shukulu Kalunga anjitsiye nga kunjikuleka nakukwamena ngeci utewe. Shukulu Kalunga akale amo nove ngwe mwakele amo na tate!