1 Mizimbu 22:1 - Livulu lya Shukulu Kalunga

¹ Ngecivene, Ndaviti wendekele ngwendi, “Kuno kukekwo vakatungila Njuvo ya Shukulu Kalunga Njambi. Oku kukekwo ku mutula kuje vanu va Isalele vakakombelela vin̄ombelo vya kwenyeka.”

1 Mizimbu 22:1 Iomraidhean Croise

Kushangumuka 28:17

Co Yakomba wakele na lyova, wendekele ngwendi, “Mutambela uno unapu wakuzivisa lyova! Unapande kupwa Njuvo ya Njambi, cinapande kupwa cikolo cakushokoloka ca mwilu.”

2 Samwele 24:18

A litangwa lije vene, Ngande waile kuli Ndaviti wamulekele ngwendi, “Ya ku lijungwilo lya Alauna ukatungile Shukulu Kalunga mutula.”

2 Vimyene 18:22

Uje mwata wa vaAsilya wendekele lalo ngwendi, “Amo yove unjileka ngwove unajendamena ali Shukulu Kalunga Njambi yove ndi? Hezekiya ikeye wasiwile tuzangu twakulemesela Shukulu Kalunga, amo na mitula, omo walekele vanu va mu Yunda na mu Yelusalema kukalemesela lika ku mutula wa mu Yelusalema.

1 Mizimbu 21:30

oloni Ndaviti kasele kuya kuje mukulemesa Njambi, omwo wakele na lyova lya mukwale wa kangelo ka Shukulu Kalunga.

2 Mizimbu 3:1

Mwene Ndaviti, ishe ya Solomoni, wavwaeselele cimweja mwela wakutungila Njuvo ya Shukulu Kalunga. Mwela wakele mu Yelusalema, ku Munkinda wa Moliya, kuje Shukulu Kalunga walisholwele kuli Ndaviti ku lijungwilo lya Alauna kaNjevushi. Co Mwene Solomoni washangumukile kutunga Njuvo ya Shukulu Kalunga

2 Mizimbu 32:12

Ikeye vene Hezekiya uje wasiwile tuzangu twa Shukulu Kalunga na mitula, co walekele vanu va mu Yunda na vanu va mu Yelusalema kulemesa nakwenyekela insense a mutula umolika.

Myaso 78:60

Wasezele mbalaka ya ku Shilo, mbalaka ije yashimbikile omo wakele akati ka vanu.

Mateo 25:16

Uje ngamba watambwile vimbongo vyakupwa 5,000 waile nakukasekasana, wawaneneo lalo vimbongo vyakupwa 5,000.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:14

Oloni kuvanga lika ku mwela uje wakaangula Shukulu Kalunga ku muyati umo a miyati yeni, kukekwo lika kumukakombelela vin̄ombelo vyeni vya kwenyeka. Co kukekwo lalo kumukalingila vyoshe vije vinjilinakumishika.