1 Mizimbu 21:8 - Livulu lya Shukulu Kalunga

⁸ Co Ndaviti wendekele kuli Njambi ngwendi, “Njinavulumuna manene akulinga cuma eci! Shukulu njisambese. Njinalingi mwa vulema.”

1 Mizimbu 21:8 Iomraidhean Croise

Kushangumuka 34:7

A simbu ije vene vana va Yakomba vezile kutunda mu cana. Omo vazivile a cuma eci, co vazivile manene kuvavala ku vimbunge na vukalu ali Shekeme, omwo ikeye nalingi cuma cakufwa ngacije cakutuka vanu va Isalele akukwata muna Yakomba nakumuwisa. Cuma cangacije kucapandele kulingiwa.

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 13:13

Nga njilinga ngacije, co vatijo njasa kukenga vanu? Nove ukapwa ngwe cilema umo wa mu Isalele. Ngecivene, njakulombo endeka kuli mwene, co akatava ngeci unjambate.”

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

1 Mizimbu 21:7

Oloni Njambi kavwaelelele na vije vyalingiwile, ngecivene, wahisile Isalele.

2 Mizimbu 10:9

Wavehwile ngwendi, “Mu ngila muka mumunjinangwila? Njikendeka vatijo kuli vanu ava valinakunjilomba ngeci njehwise vitele vyavo?”

Myaso 25:11

Omwo a lizina lyove yove Shukulu Kalunga, njisambese ku vuvi vwange, omwo vwavungi manene.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 26:21

Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”