1 Mizimbu 21:27 - Livulu lya Shukulu Kalunga

²⁷ Shukulu Kalunga walekele kangelo kushomeka mukwale wendi mu cindalo cawo, uje kangelo wononokele.

1 Mizimbu 21:27 Iomraidhean Croise

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

1 Mizimbu 21:12

Myaka itatu ya njala? Nambe vingonde vitatu vyakutewa vitozi vove? Nambe matangwa atatu aje Shukulu Kalunga akalwa nove na mukwale wendi, co akatuma mushongo wakulitambwisa mu lifuti lyove, akapangesa kangelo kendi kunena kutsa mu Isalele mwoshe? Yongolao a vyuma evi, co njileke cikumbululo cije cinjikaleka Shukulu Kalunga.”

1 Mizimbu 21:20

Kuje ku mutambela wa lijungwilo, Alauna na vana vendi vawana vakele nakujungula tiliku, omo vamwene kangelo, vatewele nakukavanda.

1 Mizimbu 21:26

Asinoni watungile mutula wa Shukulu Kalunga kuje, co walambwile milambu ya kwenyeka, na milambu ya kulitombola. Ndaviti walombelele, co Shukulu Kalunga wamukumbulwile watuma tuhya twa mwilu, co twenyekele vin̄ombelo vije vyakele a mutula.

1 Mizimbu 21:28

Co Ndaviti wamwene ngeci Shukulu Kalunga nakumbulula lilombelo lyendi, ngecivene, wakombelelele vin̄ombelo a mutula ku mutambela wa lijungwilo lya Alauna.

Myaso 103:20

Yeni tungelo va nzili shangazaleni Shukulu Kalunga, yeni vaka-kwononoka mashiko endi,

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Ezekiyele 21:30

“Shomekeni mukwale weni mu cindalo cawo! Njikamisompesa ku mutambela uje vamitangelele, na mu lifuti muje vamikitilile.

Mateo 26:52

Asinoni Yesu wamulekele ngwendi, “Shomeka mukwale wove mu cindalo cawo, omwo voshe vaje vapangesa mikwale yavo vakanyonga ku mikwale yavo.

Yowano 18:11

Yesu wendekele kuli Petulu ngwendi, “Shomeka mukwale wove mu cindalo cawo! Kuma uyongola ngwove kunjasa kunwa nganja eyi ya kayando yananjana Tate ndi?”

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.