1 Mizimbu 21:22 - Livulu lya Shukulu Kalunga

²² Co Ndaviti wendekele kuli ikeye ngwendi, “Njilandese mutambela wa lijungwilo lyove, ngeci njitungileo mutula wa Shukulu Kalunga, ngeci mushongo wakulitambwisa uhwe ku vanu. Njikufweta ndando yaivwa.”

1 Mizimbu 21:22 Iomraidhean Croise

Kushangumuka 23:9

ngeci anjilandeseko Linzenzengoma lya Makepela, lije lili ku shongo ya lihya lyendi. Mulombeni ngeci anjilandeselyo na ndando ije inapumo, ano vene ku mesho eni, ngeci yange njase kuupwisa mutambela wa vimbumbo vene.”

Kushangumuka 50:10

Omo vetele ku mwela wa lijungwilo ku Atande mu ngangela ya Yondau, valilile nakukangoka simbu yakama manene, co Yosefa walingile ciwano cakulila ishe matangwa atanu na avali.

2 Samwele 24:21

co wehwile ngwendi, “Shukulu, omwo vikajo munezila kuno?” Co wamukumbulwile ngwendi, “Njinaija nakulanda lijungwilo lyove njitungileo Shukulu Kalunga mutula, ngeci njimanese ou mushongo wakulitambwisa.”

1 Vimyene 21:2

Litangwa limo Ahave wendekele kuli Navote ngwendi, “Njane citungu cove ca mikolovozi ya vushuka vwa vinyu, omwo cili kuyehi na lipela lyange, njishaka kucipwisa citungu ca visapa-sapa. Co njikakwana citungu cacivwa kutuvakana eci, nambe njicilande.”

1 Mizimbu 21:21

Co omo Alauna wamwene Mwene Ndaviti alinakwija, watundile kuje ku mutambela wa lijungwilo watsikamene, wakengesele cihanga cendi asi.

1 Mizimbu 21:23

Co Alauna wakumbulwile Ndaviti ngwendi, “Wambate ngano shukulu, ngeci ulingileo vyoshe ushaka. Co lalo vingombe ava wenyekele a mutula kupwa n̄ombelo, na vimandauluwa vyavo evi amolika na mavaya akujungwila ngeci vipwe vitale, co lalo tiliku eyi ipwe n̄ombelo ya vimbuto. Vyoshe evi njinakwana.”

Kulava 16:48

Ngecivene, ikeye wamenene vakuyoya na vatsi, co uje mushongo walikelele.

Kulava 25:8

wakavele uje munalume na uje munakazi muje mu mbalaka, co muvuvali vwavo voshe wavapulyasanene likunga. Mu ngila eyi uje mushongo wakulitambwisa washakele kunyongesa vaIsalele wahwile,