1 Mizimbu 21:2 - Livulu lya Shukulu Kalunga

² Co Ndaviti waanene mashiko kuli Yowave na vamyata vakwavo ngwendi, “Yeni mu Isalele mwoshe, kutunda ku shongo imo ya lifuti kweta ku shongo ikwavo, co laveni vanu. Njishaka kuzivuka vungi vwavo muvanapu.”

1 Mizimbu 21:2 Iomraidhean Croise

Kushangumuka 21:14

Alikaki mutondo-tondo, Avilahama waanene Hangale vyakulya na njeke ya cilambu yakushula ya mema. Wamutwikilevyo a mutwe, co wamwakele mwana ku mwongo, wamushuwile. Ngecivene, Hangale waile nakuyevangela mu mambo ya Mbeleshemba.

2 Samwele 17:11

Kunangula kwange kunapu oku, kungulula vaIsalele voshe uvake amo kutunda ku shongo imo ya lifuti, kweta ku shongo ikwavo, vapwe vavangi ngwe lishen̄avu lya ku ngenge ya mema a kalunga, co yove vavenya vene uvatwamenene mu nzita.

2 Samwele 24:15

Ngecivene, Shukulu Kalunga watumine mushongo wakulitambwisa ali Isalele, kutunda ku mutondo nakweta ku simbu ije yemikile. Kutunda ku shongo imo ya lifuti nakweta ku shongo ikwavo kwatsile vaIsalele vakupwa 70,000.

2 Samwele 3:10

Shukulu Kalunga wakulaesele Ndaviti ngeci akatundisa vumwene ku njuvo ya Saulu na vatekulwila vendi, co akapwisa Ndaviti mwene wa Isalele na Yunda, kutunda ku Ndani kweta na ku Mbeleshemba.”

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

2 Mizimbu 30:5

ngecivene, valanyele vaIsalele voshe, kutunda ku Ndani ku kunto nakweta ku Mbeleshemba mu mbwela, vaije mu Yelusalema nakulisamba Ciwano ca Pasovala ngwe ku Lishiko, vavangi vakungulukile kutuvakana akulivanga.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

2 Kolinte 12:7

Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.

Maako 20:1

Vanu va Isalele voshe kutunda ku Ndani ku kunto kutwala ku Mbelesheva mu mbwela, amo na lifuti lya Ngilyande mu ngangela, valikungulwile na mbunge imo ku mesho a Shukulu Kalunga ku Mizipa.

1 Samwele 3:20

Ngecivene, vanu voshe va Isalele, kutunda ku shongo imo ya cifuti nakweta ku shongo ikwavo, vazivukile ngeci kuma Samwele ololo napu muka-kwimanena wa Shukulu Kalunga.