1 Mizimbu 21:16 - Livulu lya Shukulu Kalunga

¹⁶ Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

1 Mizimbu 21:16 Iomraidhean Croise

Kushangumuka 3:24

Omo navasheke laja, co waakele vikashama vakuyoya mu ngangela ya lihya na moko ya mukwale ya mulangi wa tuhya ije yakele nakutenguluka noku-noku, mukunyunga ngila ya ku muti wa mwonyo.

1 Vimyene 21:27

Omo Elinja wamanesele kwendeka, co Ahave wazalele cikeleya mutanya na vutsiki. Walinyengele, co wavyanene kulya.

2 Vimyene 19:1

Omo Mwene Hezekiya wazivile muzimbu wavo, watavozwele vuzalo vwendi mukuviilila, co wazalele cikeleya, waile ku Njuvo ya Shukulu Kalunga.

2 Vimyene 6:17

Asinoni Elisha walombelele ngwendi, “Shukulu Kalunga, tonesa mesho endi, ngeci amone!” Co Shukulu Kalunga wakumbulwile lilombelo lyendi, co ngamba ya Elisha wakengele akamwa ya lilundu, wamwene ngeci ashulile na tuvalu na matemba a tuhya oshe azengelekele Elisha.

Ezekiyele 30:25

Eyo, njikamuzeyesa, nakukolesa mwene wa Mbambilone. Omo njikana mukwale wange kuli mwene wa Mbambilone, co akawinika nakuukengesa ku Ingito vanu voshe vakazivuka ngeci yange njapwa Kalunga.

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Kulava 14:5

Asinoni Mosesa na Alone vakulamene asi ku mesho a mbunga yoshe ya vanu va Isalele vaje vakungulukilile kuje.

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Kulava 22:23

Omo cimulu wamwene kangelo ka Shukulu Kalunga nemana mu ngila nakwata mukwale mu livoko lyendi, co watundilemo nakuya mu shwata. Co Mbalame wapupile cimulu nakumwilwisila mu ngila.

Kulava 22:31

Asinoni Shukulu Kalunga watonesele mesho a Mbalame, co wamwene kangelo ka Shukulu Kalunga nemana mu ngila na mukwale wendi mu livoko. Co Mbalame wakulamesele cihanga cendi nakulyumbila asi.

Maako 13:20

Co omo mulangi waile mwilu kutunda a mutula, kangelo walondele mu mulangi, oku Manowa na munakazi wendi vanakengelela, co vatsikamene asi nakulemesa.