1 Mizimbu 21:13 - Livulu lya Shukulu Kalunga

¹³ Ndaviti wakumbulwile Ngande ngwendi, “Njili mu vukalu vwakama! Oloni mwamuvwa njiwile mu livoko lya Shukulu Kalunga, omwo ikeye muka-mema ku mbunge, oloni kesi njiwile mu livoko lya munu embwe.”

1 Mizimbu 21:13 Iomraidhean Croise

2 Vimyene 6:15

Alikaki mutondo, ngamba ya Elisha wendukile, watuukile mu njuvo, co wamwene mashwalale va Silya na tuvalu twavo na matemba avo vanazengeleka nganda. Co welukile kuli Elisha, wamulekele ngwendi, “Shukulu tunatsi! Tulinga vati?”

2 Vimyene 7:4

Kukwesi seo yakukovela mu nganda, omwo tukalandukilamo ngoco, nga lalo tutumbama kuno, anga vene tutsa. Ngecivene, tuyeni ku cilombo ca vaSilya, cuma cakama vakalinga kuli yetu cikapwa vene kututsiya, oloni alumo kuvakatutsii.”

2 Mizimbu 28:9

Munalume umo lizina lyendi Ondende muka-kwimanena wa Shukulu Kalunga, wakele mu nganda ya Samaliya. Waliwanene na mashwalale va vaIsalele valinakwiluka na vinzinda vavo va vaYunda. Omo vakele nakukovela mu nganda, co wendekele kuli vakevo ngwendi, “Shukulu Kalunga Njambi ya vakukulwila veni naluvala na Yunda ngeci navakundika ku mavoko eni, oloni nazivi kukaluka kweni mumunavatsiilamo.

Esita 4:11

“Nga munu woshe, munalume nambe munakazi, akovela mu cipango ca mukati ka lipela nakumona mwene kwakujeneka kumusana, co munu uje vamutsiya. Eli likelyo lishiko lyazivuka munu woshe, kutunda kuli vaka-kunangula va mwene nakweta kuli vanu va mu lifuti. Kukwesi kumo kwakwongolokela lishiko eli, oloni nga mwene ajundula mulamu wendi wa ngolinde nakuwinika kuli uje munu, asinoni uje munu ovoka. Oloni kuneti ngonde tunde aje wanjisanene mwene.”

Esita 4:16

“Kungulula vaYunda voshe amolika mu Susa, co likeleni kulya nakunjilombelelako. Kesi mulye nambe kunwa cuma cimo a matangwa atatu mutanya na vutsiki embwe. Co vangamba vange va vambanda amolika nange tukalinga cuma cimo. Co munima yevi, njikaya kuli mwene, nameme kesi mukemwo munayi mashiko. Nga njikatsa akulinga cuma eci, co njinapande kutsa vene.”

Myaso 103:8

Shukulu Kalunga ikeye wa ngozi na mema ku mbunge, kesi kuluvala vwasi, washula na cizemo cije kucesi kutenguluka.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Myaso 119:156

Kutetela kwove kwapwa kwakama Shukulu Kalunga, njovole, ngwe ku vushunga vwove.

Myaso 130:4

Oloni yove ukatusambesa ngeci tukukomoke.

Myaso 130:7

Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

Myaso 5:7

Oloni omwo a cizemo cove cakama cije kucesi kutenguluka, njikakovela mu Njuvo yove, co njikalemesa mu Njuvo yove yakujela.

Myaso 69:13

Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Myaso 69:16

Njikumbulule yove Shukulu Kalunga, omwo cizemo cove cije kucesi kutenguluka capwa cacivwa, nakutetela kwove kuje kwakama manene, njitolilile!

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Visimo 12:10

Muka-vushunga anyunga mwamuvwa vimuna vendi, oloni vaka-vuvi vakala na muuka ku vimuna vavo.

Isaya 46:7

Uje kamponya vamwambata a vitsili vyavo, vamwaka mu mutambela umo, co kemana aje vene, kukasa kutunda aje vanakaka. Nga munu alombela ku kamponya, kukasa kumukumbulula, nambe kumwamena ku tuyando.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Yona 3:9

Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

VaHevelu 10:31

Cinapu cuma cakujajesa kuwila mu mavoko a Njambi wakuyoya!