1 Mizimbu 21:12 - Livulu lya Shukulu Kalunga

¹² Myaka itatu ya njala? Nambe vingonde vitatu vyakutewa vitozi vove? Nambe matangwa atatu aje Shukulu Kalunga akalwa nove na mukwale wendi, co akatuma mushongo wakulitambwisa mu lifuti lyove, akapangesa kangelo kendi kunena kutsa mu Isalele mwoshe? Yongolao a vyuma evi, co njileke cikumbululo cije cinjikaleka Shukulu Kalunga.”

1 Mizimbu 21:12 Iomraidhean Croise

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

2 Vimyene 19:35

Co vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

1 Mizimbu 21:11

Co Ngande waile kuli Ndaviti, nakumuleka vije vyendekele Shukulu Kalunga, co wamwihwile ngwendi, “Waangulao cuma cika?

Myaso 91:6

nambe lyova lya mishongo ije iita ku vutsiki, nambe lyova lya vyuma vije vinyongesa vanu mutanya mwelu.

Kutuuka 12:23

Omo Shukulu Kalunga akaita mu Ingito nakutsiya vaka-Ingito, co ikeye akamona maninga a cipamba ca cikolo ca njuvo, co kakatavesa uje Kangelo Muka-kutsiya kukovela mu vinjuvo vyeni nakumitsiya.

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 42:16

co nzita ije mulinakutewa ikamiwanena a ngila, co njala ya lyangengela ije mulinakutewa ikamikola, co mukatsila muje mu Ingito.

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Mbimbi 4:9

Vaje vatsililile mu nzita vatsile mwamuvwa kutuvakana vaje vanatsi kukotokela, vaje valandukile ku njala noo vatsile omwo vajenekele vyakulya vyakuvayoyesa.

VaLevi 26:10

mukateja vimbuto vyavingi manene, vikamanesa mwaka, nameme ngoco kumukakala noku kwakuvitulikila. Co mukombila kuti vije vyalaja ngeci muwane mwela wakutulikila vije vyaviha.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

Kwituluka mu Mashiko 28:15

“Oloni nga kumwononoka Shukulu Kalunga Njambi yeni nakunyunga mashiko endi oshe awa njinamyana ku litangwa lya lelo, visingo evi vyoshe vikalingiwa ali yeni.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:27

Shukulu Kalunga akatuma mazimbo ali yeni ngwe mwalingile kuli vaka-Ingito. Mivila yeni ikajamozoka vimbandu, na mishongo yakulijwa. Kukukakala vyemba vyai.

Kwituluka mu Mashiko 28:35

Shukulu Kalunga akatuma vimbandu vyakwonwa kusaka ku mendi eni, co mazimbo akatunda ku mutwe nakweta ku vikanzi.