1 Mizimbu 19:9 - Livulu lya Shukulu Kalunga

⁹ VaAmoni vatuukile nakulikwalaleka ku vukovelelo vwa ku cikolo ca Lamba, nganda yavo yakama, co vimyene vaje vezile mukuvakwasa valikwalalekele mushandangala yangoco.

1 Mizimbu 19:9 Iomraidhean Croise

2 Samwele 10:8

VaAmoni vatuukile nakulikwalaleka ku vukovelelo vwa Lamba, nganda yavo yakama, co vaSilya na vanalume vaje vatundile ku Tove na ku Maka, valikwalalekele mushandangala yangoco.

2 Samwele 18:4

Co mwene wakumbulwile ngwendi, “Mwoshe mumunayongola munapu mwamuvwa mukemwo munjikalinga.” Mwene wemanene kumukulo wa cikolo omo vanu vendi vakele nakutuuka mu vimbunga vya vanu 1,000 na vimbunga vya vanu 100.

1 Vimyene 20:1

Mwene Mbenehandande wa ku Silya wakungulwile mashwalale vendi voshe, amo na vimyene vakumukwasa vakupwa makumi atatu na vavali na tuvalu na matemba avo, voshe vaile vakazengelekele Samaliya nakuyilwisa.

1 Vimyene 20:24

Ngecivene, tundisa vaje vimyene makumi atatu na vavali mu myela yavo ingisamo vaka-kushika mashwalale.

1 Mizimbu 19:10

Omo Yowave wamwene ngeci vitozi vakamulwisila kulutwe na kunima, co waangwile mashwalale va nzili mu Isalele, wavakwalalekele ngeci valikenge na vaSilya.

1 Mizimbu 19:8

Omo Ndaviti wazivile vije vyalingiwile, watumineko Yowave na mashwalale voshe nakuvalwisa.

2 Mizimbu 13:3

Aviya wakungulwile mashwalale vakupwa 400,000, oloni Yelovowame wezile na mashwalale vakupwa 800,000.

2 Mizimbu 14:10

Co Asa wamulwisile, vinzita vyoshe vivali vyalikwalalekele mu myela yavyo ku Cana ca Zefata kuyehi na Malesha.

Isaya 28:6

Akana mana a vushunga kuli maako, nakumona ngeci vanu vendi vasa kwamena vinganda vyavo ku vitozi.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Njwele 2:5

Omo vajombozoka akamwa ya minkinda, misindo yavo yoya ngwe matemba, cililimo cavo cinapu ngwe musindo wa tuhya twa likuna tuje twenyeka mwila wakuma. Venda mu mikana ngwe vaka-nzita vaje vanalivwaesela kulwa.

1 Samwele 17:2

Saulu na vaIsalele valikungulwile amo, vatungile cilombo cavo mu Cana ca Ela, kuje vavandamenene ngeci valwe na vaFilisitiya.