1 Mizimbu 17:9 - Livulu lya Shukulu Kalunga

⁹ Njinaangwila vanu vange va Isalele mutambela, co njinavaakamo, muje mukemwo muvakakala, naumo wai akavayandesa lalo. Anga vakovelelele mu lifuti lino, vanakala nakuvalwisa kuli vaka-muuka, oloni eci kucikasholoka lalo.

1 Mizimbu 17:9 Iomraidhean Croise

1 Mizimbu 17:10

Njikukulaesa kufungulula vitozi vove voshe nakukwana vatekulwila.

1 Mizimbu 17:8

Njakele amo nove kwoshe kuje kuwaile, co njafungulwile vitozi vove voshe ngwe omo wakele nakuya kulutwe. Co njikakutsimanesa kupwa ngwe vantwama vakama va mu kaye.

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 89:22

Vitozi vendi kuvakamufungulula, na vaka-vuvi kuvakamuyandesa.

Myaso 92:13

Vanalifu na miti yakukuna mu Njuvo ya Shukulu Kalunga Njambi, ije ilinakukula mwamuvwa, mu Njuvo yetu ya Shukulu Kalunga,

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Isaya 49:17

“Nganda yove vakuyitungulula vwasi-vwasi, vaje vailwisile vakatenguluka nakuya,

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Ezekiyele 28:4

Mana ove na vutongwe vwove vikevyo vyakufukisile vufuko vwa ngolinde na siliva.

Ezekiyele 34:13

Njikavatundisa ku mafuti a vungenzi, nakuvakungulwila amolika, co njikavelwisila ku lifuti lyavo vavenya. Njikavatwamenena ku minkinda na ku vana va vindonga vya Isalele, co njikavalisila ku mwila wauvwa.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Amose 9:15

Njikaka vanu vange mu lifuti lije linjavanene, co naumo wai akavatundisamo lalo.” Shukulu Kalunga Njambi yeni ikeye nendekamo.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”