1 Mizimbu 17:27 - Livulu lya Shukulu Kalunga

²⁷ Ngecivene, njikulomba uvezikise vatekulwila va ngamba yove, ngeci vayoye simbu yoshe ku mesho ove. Yove Shukulu Kalunga, unavavezikisa, co vivezikiso vyove vikakala ali vakevo simbu yoshe.”

1 Mizimbu 17:27 Iomraidhean Croise

Kushangumuka 27:33

Ngecivene, Isake walikomokelele nakujaja, co wehwile ngwendi, “Kuma iyajo ou natsiile kasitu nakunjinenelaye? Njamanesa kulya vene omo simbu kanda wije. Co njinamuvekisa laja, cili akapwa wakuvezika.”

1 Vimyene 2:33

Cihiso ca monde yavo cikale a mutwe wa Yowave na vatekulwila vendi myaka yoshe. Oloni Shukulu Kalunga simbu yoshe akakwasa vatekulwila va Ndaviti vaje vatumbama a litanda lyendi.”

1 Vimyene 2:45

Oloni akanjivezikisa, nakunyunga vumwene vwa Ndaviti ku myaka yoshe.”

1 Mizimbu 17:26

Yove Shukulu Kalunga, unapu u Njambi, co unalingi cikulaeso cakukomokesa kuli yange.

1 Mizimbu 18:1

Munima yevi, Mwene Ndaviti walwile na vaFilisitiya lalo, wavafungulwile. Watambwile nganda yavo ya Ngate na membo ayo aje ayizengelekele.

1 Mizimbu 28:4

Shukulu Kalunga, Njambi ya Isalele, wanjangwile yange na vatekulwila vange kushwana Isalele ku myaka yoshe. Co ikeye waangwile muyati wa Yunda kupwa vantwama, muli Yunda lalo waangwilemo muyati wa tate. Co mu naanga eyi yoshe camuvwaesele ku mbunge kwangula yange, nakunjipwisa mwene wa Isalele yoshe.

Myaso 21:6

Omwo unamupwisa wakuvezika ku myaka yoshe, co unamuvwaelelesa nakujolela ku mesho ove.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Kulava 23:20

Kenga! Yange njinatambula lishiko lyakuvezikisa, co omo Njambi navezikisa, yange kunjasa kutengululako lalo mweka.

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Kwituluka mu Mashiko 15:6

Co Shukulu Kalunga Njambi yeni akamivezikisa ngwe mwamikulaesele. Mukakumwisa vimbongo vyavingi ku mafuti amangi, oloni yeni kesi mukakumuneko embwe. Mukashwana mafuti amangi, oloni vakevo kuvakamishwana embwe.