1 Mizimbu 17:20 - Livulu lya Shukulu Kalunga

²⁰ Shukulu Kalunga kukwesi lalo weka wakufwa ngwe yove, simbu yoshe twazivuka ngeci yove lika wapwa u Njambi.

1 Mizimbu 17:20 Iomraidhean Croise

1 Mizimbu 17:19

Capwile cizango cove na vutumbe vwove kulinga evi kuli yange, nakunjimwesa vikulaeso vyove evi vyakama.

1 Mizimbu 17:21

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwavalingilile vinashandola lutsimo lwove mu kaye mwoshe. Wapatwile vanu vove mu Ingito nakusheka miyati yeka omo vanu vove vakele nakuya kulutwe.

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Myaso 89:6

Shukulu Kalunga naumo wai ali mwilu wakulifwa nove, naumo wai wa vana va vinjambi wakupwa amo nove.

Myaso 89:8

Shukulu Kalunga Njambi Muka-nzili yoshe, iyajo walifwa nove? Yove Shukulu Kalunga mu vyuma vyoshe yove wapwa wa kulongwa.

Myaso 97:9

Shukulu Kalunga Muka-nzili yoshe, yove washwana kaye koshe, yove wakala na vumpau kuhyana vinjambi voshe.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Kutuuka 8:10

Mwene wakumbulwile ngwendi, “Imene vene ukanjilombelela.” Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu.

Kutuuka 9:14

A simbu ino njikatuma mishongo yakukomokesa ali yove, na ali vamyata vove na ali vanu vove, ngeci ukazivuka ngwove kukwesi weka lalo wakufwa ngwe yange muno mu kaye mwoshe.

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 33:26

“Yeni vanu va Isalele, kukwesi njambi wakulifwa na Njambi yeni, uje endekela mwilu nakumikwasa, uje enda mu vukama vwendi a mashelwa.

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.