1 Mizimbu 16:9 - Livulu lya Shukulu Kalunga

⁹ Shangazaleni Shukulu Kalunga, ambululeni vyuma vyoshe vyakukomokesa vije vyanalingi.

1 Mizimbu 16:9 Iomraidhean Croise

1 Mizimbu 16:10

Vwaeleleni nakulemesa lizina lyendi lyakujela, voshe vaje vaka-kumulemesa vajolele.

1 Mizimbu 16:24

Ambululeni vumpau vwendi kuli vanu, na vilinga vyendi vyakukomokesa kuli vanu voshe.

1 Mizimbu 16:8

Kandeleleni kuli Shukulu Kalunga, ambululeni vukama vwendi, tsimaneseni vilinga vyendi akati ka vanu.

Yombi 36:24

Anuka kushangazala vipangi vyendi, vije vivashangazalele vanu mu myaso.

Myaso 145:12

ngecivene, vanu voshe vakazivuke vilinga vyove vya nzili, na vumpau vwa vumwene vwove.

Myaso 40:10

Yange kunjashwekele mu mbunge yange vin̄anda vyavivwa vyakwamena embwe, oloni visimbu vyoshe njinambulula vushunga vwove nakwamena kwove. Mu vikungulukilo vya vanu vove voshe kunjolokele ngoco kuluu ngwe kaveveve, oloni njinambulula kulongwa kwove na cizemo cove cije kucesi kutenguluka.

Myaso 71:17

Yove Njambi wanjilongesele tunde ku vwanike vwange, kweta na simbu ino njicili nakwambulula vilinga vyove vyakukomokesa.

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Mateo 26:30

Co omo vamanesele kwimba mwaso, co vatuukile vaile ku Munkinda wa Oliveta.

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

Yakomba 5:13

Kwali umo akati keni alinakuyanda ndi? Napande kulomba. Kwali umo alinakuvwaelela ndi? Napande kwimba vishangazala.