1 Mizimbu 16:4 - Livulu lya Shukulu Kalunga

⁴ Co Ndaviti wemikile vaLevi vamo mukutwamenena kulemesa Shukulu Kalunga, Njambi ya Isalele, kulutwe lwa Cikasa ca Cikumiiyo, mukumwimbila nakumushangazala.

1 Mizimbu 16:4 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

1 Vimyene 8:15

Co wendekele ngwendi, “Shangazaleni Shukulu Kalunga Njambi ya Isalele! Ikeye nanyungu cikulaeso cije calingile kuli tate Ndaviti, omo wendekele ngwendi,

1 Mizimbu 15:16

Co Ndaviti washikile vantwama va vaLevi ngwendi, “Anguleni vavushoko vweni vaLevi vaimbe myaso nakwimba myaso yakuvwaelela a tulyalya, na vingenjo.”

1 Mizimbu 16:3

waanene vanu voshe vyakulya. Co waanene munu na munu munalume na munakazi mu Isalele mukasha wa likende, na cipuka ca situ yakwoca, na likasha-kasha lya vinyu vyakuma.

1 Mizimbu 16:5

Co Asafe vamwimikile kupwa ntwama, co Zekaliya wapwile mwato wendi. Njeyele, na Shemilamote, na Njehiyele, na Matitiya, na Elyave, na Mbenaya, na Ovende Endome, na Njeyele vakevo vapwile vaka-kwimba tulyalya. Co Asafe ikeye wapwile muka-kwimba vingenjo,

1 Mizimbu 16:8

Kandeleleni kuli Shukulu Kalunga, ambululeni vukama vwendi, tsimaneseni vilinga vyendi akati ka vanu.

1 Mizimbu 24:3

Co Mwene Ndaviti waangunwine vatekulwila va Alone mu vimbunga ngwe ku vipangi vyavo. Co Zandoke mutekulwila wa Elyazale ikeye wamukwasele, na Ahimaleki mutekulwila wa Itamale.

1 Mizimbu 25:1

Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

1 Mizimbu 6:31

Ava vakevo vanu vaje vaakele Mwene Ndaviti kwendesa vipangi vyakwimba myaso ku mwela wakulemesela mu Yelusalema, omo Cikasa ca Cikumiiyo cakele kuje.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Myaso 103:2

Mbunge yange ishangazale Shukulu Kalunga, co kesi wivale vivezikiso vyendi vyoshe.

Myaso 105:5

Anukeni vizivukiso vije vyalingile Njambi nakusompa kuje kwaanene.

Myaso 106:48

Shangazaleni Shukulu Kalunga Njambi wa Isalele ku myaka yoshe, vanu voshe vendeke ngwavo, “Ewa!” Shangazaleni Shukulu Kalunga!

Myaso 37:1

Kesi ulishoshomwene ali vaka-kulinga vuvi, nambe kuliveyela vaje valinga vya kupenga-penga.

Myaso 70:1

Njamene yove Njambi, zambula ngeci unjikwase, yove Shukulu Kalunga!

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!