1 Mizimbu 16:16 - Livulu lya Shukulu Kalunga

¹⁶ Cikumiiyo cije calingile na Avilahama, na cikulaeso cije calingile kuli Isake.

1 Mizimbu 16:16 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:2

njikalikumiiya cikumiiyo nove, co njikatumisa vatekulwila vove.”

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

2 Samwele 6:12

Mwene Ndaviti wazivile ngwavo, “Shukulu Kalunga navezikisa Ovende Endome na naanga yendi na vyoshe vije vyali navyo omwo ya Cikasa ca Cikumiiyo.” Ngecivene, Ndaviti waile wakashakele Cikasa ca Cikumiiyo ku njuvo ya Ovende Endome wacitwalele ku Yelusalema nakuvwaelela manene.

1 Mizimbu 16:15

Kesi mwivale cikumiiyo ca Njambi, cije calingile ngeci cikale ku myaka yoshe.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Vilinga vya Miluwa 3:25

Vikulaeso vya Njambi ali vaka-kwimanena vinapu vyeni, co muli na mutambela mu lizivasano lije lyalingile Njambi na vakukulwila veni. Ngwe mwendekele kuli Avilahama ngwendi, ‘Ku mbuto yove miyati yoshe ya ano asi vakavezika.’

Kwituluka mu Mashiko 7:8

Oloni Shukulu Kalunga wamizemene, co alinakunyunga cikumiiyo cije walikumiiye na vakukulwila veni. Ngeci wamitundisilemo mu lifuti lya vundungo na livoko lyendi lya nzili yakama nakumikula ku livoko lya mwene wa Ingito.