1 Mizimbu 15:3 - Livulu lya Shukulu Kalunga

³ Ngecivene, Ndaviti wakungulwile vanu va Isalele voshe ku Yelusalema ngeci vanene Cikasa ca Cikumiiyo nakucaka ku mwela uje wacivwaeselele.

1 Mizimbu 15:3 Iomraidhean Croise

2 Samwele 6:12

Mwene Ndaviti wazivile ngwavo, “Shukulu Kalunga navezikisa Ovende Endome na naanga yendi na vyoshe vije vyali navyo omwo ya Cikasa ca Cikumiiyo.” Ngecivene, Ndaviti waile wakashakele Cikasa ca Cikumiiyo ku njuvo ya Ovende Endome wacitwalele ku Yelusalema nakuvwaelela manene.

2 Samwele 6:17

Asinoni vaakele Cikasa mu mwela waco mu Mbalaka ije yatungile Ndaviti. Ngecivene, Ndaviti wakombelelele vin̄ombelo vya kwenyeka, na milambu ya kulitombola kuli Shukulu Kalunga.

1 Vimyene 8:1

Asinoni Mwene Solomoni wasanene vantwama voshe va miyati na vikota vya Isalele kwija kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, nganda ya Ndaviti, ngeci vacinene ku Njuvo ya Shukulu Kalunga.

1 Mizimbu 13:2

Co Ndaviti walekele vanu va Isalele voshe ngwendi, “Nga yeni munatava, co lalo nga eci cinapu cizango ca Shukulu Kalunga Njambi yetu, co tutumeni miluwa mu membo kuli vandolome vetu vaje vanasala mu lifuti lyoshe lya Isalele na kuli vaka-kukombelela na kuli vaLevi, ngeci tuvaleke vakukungulukile kuno amo netu.

1 Mizimbu 13:5

Ngecivene, Ndaviti wakungulwile vanu va Isalele vaje vatundile mu lifuti mwoshe, kushangumukila ku nginga ya va Ingito ku mbwela kutwala ku Ngila ya ku Hamate ku kunto, vakashake Cikasa ca Cikumiiyo citunde ku Kilyate Njealime vacitwale ku Yelusalema.

1 Mizimbu 15:1

Ndaviti watungile vinjuvo vyendi mu Nganda ya Ndaviti. Wavwaesele lalo mwela wa Cikasa ca Cikumiiyo ca Njambi, co wacishimbikilile mbalaka.

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

1 Mizimbu 16:1

Co vatwalele Cikasa ca Cikumiiyo mu mbalaka ije yatungile Ndaviti, co vacakele mukati. Asinoni vakombelelele vin̄ombelo, na milambu ya kulitombola kuli Njambi.

2 Mizimbu 1:2

Mwene Solomoni waanene lishiko kuli vamyata voshe vakele na moko ya a vanu vakupwa 1,000 na kuli vaje lalo vakele na moko ya a vanu vakupwa 100 na vamyata voshe vaka-kushwana na vakulunu voshe va mu naanga na vanu voshe va Isalele.

2 Mizimbu 1:4

(Nameme ngoco, Cikasa ca Cikumiiyo cakele mu Yelusalema, vacitulikilile mu mbalaka ije yemikile Mwene Ndaviti omo wakacishakele ku Kilyate Njelime.)

2 Mizimbu 5:2

Asinoni Mwene Solomoni wasanene vantwama voshe va miyati na vikota vya Isalele vaije kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, Nganda ya Ndaviti, ngeci vacinene ku Njuvo ya Shukulu Kalunga.

Kutuuka 40:20

Asinoni wanonele vitale vivali vya mamanya wavyakele mu Cikasa ca Cikumiiyo. Co waakele mikambo mu makulo a Cikasa, co waakele cifwiko ca mema ku mbunge akamwa yaco.

VaLevi 9:5

Co vatwalele vyuma vyoshe vije Mosesa wavishikile kulutwe lwa Mbalaka, mbunga yoshe vakungulukilile kuje nakulemesa Shukulu Kalunga.