1 Mizimbu 15:28 - Livulu lya Shukulu Kalunga

²⁸ Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

1 Mizimbu 15:28 Iomraidhean Croise

2 Samwele 6:15

Ngecivene, Ndaviti na vaIsalele voshe vatwalele Cikasa ca Cikumiiyo ku Yelusalema, vatwile tuwelele twakuvwaelela nakwimba malupembo.

2 Samwele 6:5

Ndaviti na vaIsalele voshe vakele nakukina nakwimba na nzili yavo yoshe nakusingimika Shukulu Kalunga. Vakele nakwimba tulyalya, na visanzi, na vingoma, na misambo, na vingenjo.

1 Mizimbu 13:8

co Ndaviti na vanu voshe va Isalele vakinine na nzili yavo yoshe nakusingimika Njambi. Vembile myaso na tulyalya, na vingoma, na vingenjo, na malupembo.

1 Mizimbu 15:16

Co Ndaviti washikile vantwama va vaLevi ngwendi, “Anguleni vavushoko vweni vaLevi vaimbe myaso nakwimba myaso yakuvwaelela a tulyalya, na vingenjo.”

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 15:27

Ndaviti wazalele cikoveyo cacilaja ca linyu lyalivwa, co vaka-kwimba, na ntwama yavo Kenaniya, na vaLevi vaje vambatele Cikasa ca Cikumiiyo navo lalo vazalele vikoveyo vyavilaja vya linyu. Co Ndaviti lalo wazalele kangamuna ka linyu.

1 Mizimbu 15:29

Omo Cikasa ca Cikumiiyo cakovelele mu nganda, Mikale, muna Saulu, wakengele anja mu njanena, co wamwene Mwene Ndaviti alinakukina nakujombozoka kusingimika Shukulu Kalunga, co wamushendumwine mu mbunge yendi.

1 Mizimbu 25:1

Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Myaso 47:6

Imbeni myaso yakushangazala Njambi. Imbeni myaso yakushangazala mwene yetu! Imbeni myaso yakushangazala.

Myaso 68:25

Vaka-kwimba vakele kulutwe, co vaka-kwimba na vyuma vyakwimbisa vakele munima, mukati kavo mwakele vambanda vaje vaimbile tumbulumbumba.