1 Mizimbu 15:25 - Livulu lya Shukulu Kalunga

²⁵ Ngecivene, Mwene Ndaviti, na vantwama vaIsalele, na vaka-kushika mashwalale vaile ku njuvo ya Ovende Endome nakukashaka Cikasa ca Cikumiiyo, vavwaelelele manene.

1 Mizimbu 15:25 Iomraidhean Croise

1 Vimyene 8:1

Asinoni Mwene Solomoni wasanene vantwama voshe va miyati na vikota vya Isalele kwija kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, nganda ya Ndaviti, ngeci vacinene ku Njuvo ya Shukulu Kalunga.

2 Mizimbu 1:4

(Nameme ngoco, Cikasa ca Cikumiiyo cakele mu Yelusalema, vacitulikilile mu mbalaka ije yemikile Mwene Ndaviti omo wakacishakele ku Kilyate Njelime.)

2 Mizimbu 5:2

Asinoni Mwene Solomoni wasanene vantwama voshe va miyati na vikota vya Isalele vaije kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, Nganda ya Ndaviti, ngeci vacinene ku Njuvo ya Shukulu Kalunga.

Ezela 6:16

Asinoni vanu va Isalele, na vaka-kukombelela, na vaLevi, na vanu voshe veka vaje velukile kutunda ku vunzinda, vajolelele akukundika Njuvo ya Shukulu Kalunga.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Kulava 31:14

Co Mosesa waluvalesele manene vamyata va mashwalale, na vaka-kushika mashwalale 1,000 na vaka-kushika mashwalale 100, vaje velukile ku nzita.

Kwituluka mu Mashiko 1:15

Ngecivene, njaangwile vanalume vaka-mana na lutsimo lwaluvwa, vaje vatundile ku miyati yeni, co njavapwisile vantwama veni. Vamo vashikile vanu 1,000, vakwavo vashikile vanu 100, vakwavo vashikile vanu makumi atanu, co vamo vashikile vanu likumi lika, co lalo njangwile vamyata vakwavo va mu miyati yeni.

Kwituluka mu Mashiko 12:18

Oloni evi mukavilila ku mesho a Shukulu Kalunga Njambi yeni, ku mwela uje wakaangula Shukulu Kalunga Njambi yeni kumulemesela, yeni na vana veni va vanalume, na ava va vanakazi, na vangamba veni va vanalume na ava va vanakazi, na vaLevi vaje valinakuyoyela mu vinganda vyeni. Co mukajolela ku mesho a Shukulu Kalunga Njambi yeni a vyuma vyoshe vije vimukalinga.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kwituluka mu Mashiko 16:15

A matangwa atanu na avali mukanyunga ciwano kuli Shukulu Kalunga Njambi yeni ku mwela uje wakaangula wakumulemesela, omwo Shukulu Kalunga Njambi yeni akamivezikisa a kuteja kweni na a vipangi vyoshe mukapanga na mavoko eni, co muvavoshe mukajolela amolika.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Filipu 4:4

Joleleni muli Mwene simbu yoshe, njicendekamo lalo ngwange, joleleni!

1 Samwele 10:19

Yange Njambi yeni, uje wamipatwile ku tuyando tweni twoshe nakukukaluwa kweni kwoshe, oloni ku litangwa lya lelo munanjivyana, co munanjilombo ngeci njimyane mwene. Mwamuvwa, ngecivene, likungululeni ku mesho a Shukulu Kalunga mu miyati yeni na mu vikota vyeni.’ ”

1 Samwele 22:7

co ikeye wendekele kuli vamyata vendi ngwendi, “Tolilileni, eni vanalume vaMbenjemani! Kuma yeni muyongola ngeci muvavoshe Ndaviti akasa kumyana mahya, na vitungu vya mikolovozi ya vushuka vwa vinyu nakumipwisa vamyata mu nzita yendi ndi?

1 Samwele 8:12

Co akapwisa vamo kushika vanu 1,000, vamo kushika makumi atanu a vanu. Co vana veni va vanalume vakalima mahya endi, na kuteja vimbuto vyendi, co vakapanga vitwa vya nzita, na vivala vya matemba.