1 Mizimbu 15:16 - Livulu lya Shukulu Kalunga

¹⁶ Co Ndaviti washikile vantwama va vaLevi ngwendi, “Anguleni vavushoko vweni vaLevi vaimbe myaso nakwimba myaso yakuvwaelela a tulyalya, na vingenjo.”

1 Mizimbu 15:16 Iomraidhean Croise

1 Mizimbu 13:8

co Ndaviti na vanu voshe va Isalele vakinine na nzili yavo yoshe nakusingimika Njambi. Vembile myaso na tulyalya, na vingoma, na vingenjo, na malupembo.

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 16:5

Co Asafe vamwimikile kupwa ntwama, co Zekaliya wapwile mwato wendi. Njeyele, na Shemilamote, na Njehiyele, na Matitiya, na Elyave, na Mbenaya, na Ovende Endome, na Njeyele vakevo vapwile vaka-kwimba tulyalya. Co Asafe ikeye wapwile muka-kwimba vingenjo,

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

1 Mizimbu 6:16

Levi wakele na vana vatatu mazina avo, Ngeleshone, na Kohate, na Melali.

2 Mizimbu 20:19

Co vaLevi vaka-cikota ca Kohate na Kola vemanene nakushangazala Shukulu Kalunga, Njambi ya Isalele nakutambeka.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

2 Mizimbu 7:6

Co vaka-kukombelela vemanene mu myela ije ivavaanene, vemanene nakukenga kuli vaLevi, co vashangazalele Shukulu Kalunga na vyakwimbisa vije vyapangele Mwene Ndaviti, vembile mwaso ngwavo, “Cizemo cendi cije kucesi kutenguluka!” Ngwe muje mwavalekele Ndaviti. Co vaka-kukombelela vembile malupembo omo vanu voshe vemanene.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Nehemiya 12:36

Vanu vakwavo vamwatele va ku cikota cendi, vapwile, Shemaya, na Azalele, na Milalai, na Ngilalai, na Mai, na Netanela, na Yunda, na Hanani, voshe ava vambatele vivala vyakwimbisa vya muyati uje wakele nakwimbisa Mwene Ndaviti, munu wa Njambi. Ezela muka-kulilongesa Mashiko watwamene kulutwe lwa munga.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Nehemiya 12:46

Laja a matangwa a Mwene Ndaviti na Asafe muka-kwimba, vaka-kwimba vakele nakutwamenena myaso ya kushangazala, na myaso ya kukandelela kuli Njambi.

Myaso 100:1

Imbileni Shukulu Kalunga nakujolela, yeni vanu voshe muli ano asi!

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 150:5

Mushangazaleni na vingenjo vyavindondo! Mushangazaleni na vingenjo vyakama.

Myaso 81:1

Tambekeni nakujolela kuli Njambi muka-kutunyunga, imbeni nakushangazala Njambi ya Yakomba!

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Myaso 87:7

Voshe vaje vaimba nambe kukina, vakendeka ngwavo, “Mu Siyone mukemwo mwatunda vivezikiso vyetu vyoshe.”

Myaso 95:1

Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

Kutuuka 15:20

Asinoni muka-kwimanena wa munakazi Milyamu, ndokazi ya Alone, wambatele kambulumbumba kendi, co vanakazi voshe vamukavele, nakwimba tumbulumbumba twavo nakukina.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Amose 6:5

Yeni mwashaka kutunga myaso, ngwe mwalingile Ndaviti, nakuyimba a tulyalya.

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Tito 1:5

Evi vikevyo njakusezelele mu Kelete ngeci uvwaese vyuma vyasaleleko, nakwimika vakulunu va vikungulukilo ku nganda na nganda. Anuka vilongesa vyange,