1 Mizimbu 14:1 - Livulu lya Shukulu Kalunga

¹ Mwene Hilame wa ku Tile watumine tunganda kuli Ndaviti, co wamukwasele viti vya kendale na vaka-kushonga, na vaka-kupazula mamanya akutungisa lipela.

1 Mizimbu 14:1 Iomraidhean Croise

2 Samwele 7:2

Co mwene wendekele kuli Natane muka-kwimanena ngwendi, “Kenga, ololo yange njili mu njuvo yakutunga na kendale, oloni Cikasa ca Cikumiiyo ca Njambi cili mu mbalaka!”

1 Vimyene 5:1

Mwene Hilame wa ku Tile simbu yoshe wapwile musamba wa Ndaviti, co omo wazivile ngeci Solomoni nashwana a litanda lya ishe Ndaviti kupwa mwene, Hilame watumineko vaka-kwimanena lifuti lyendi.

1 Vimyene 5:15

Solomoni lalo wakele na vanalume vakupwa 80,000 mu lifuti lya malundu mukushonga mamanya, co vanalume vaka-kuwambata vapwile 70,000,

1 Vimyene 5:18

Vanu va Solomoni, na vanu va Hilame, na vanalume vaje vatundile mu nganda ya Ngembale vavwaesele mamanya na viti vyakutungisa Njuvo ya Shukulu Kalunga.

1 Vimyene 5:6

Ngecivene, tuma vanu vove ku Lembanone mukunjitetela viti vya kendale. Co vanu vange vakapanga amo navo, co njikafweta vanu vove vyoshe vije ukatumbula. Ngwe muuzivukila, vanu vange kuvazivuka kuteta miti ngwe muvakalingi vanu vove vaSindone.”

1 Mizimbu 14:2

Co Ndaviti wanangukile ngwendi Shukulu Kalunga ikeye namupwisa mwene wa Isalele, co nakolesa vumwene vwendi, omwo vanu vendi vaIsalele.

1 Mizimbu 17:1

Mwene Ndaviti wakele mu lipela lyendi. Co litangwa limo wasanene Natane muka-kwimanena na kwendeka kuli ikeye ngwendi, “Kenga, ololo yange njili mu njuvo yakutunga na Kendale, oloni Cikasa ca Cikumiiyo ca Shukulu Kalunga cili mu mbalaka!”

1 Mizimbu 22:2

Mwene Ndaviti waanene lishiko kuli vaka-kwija vaje vakele mu lifuti lya Isalele ngeci vakunguluke, co wavanene vipangi. Vamo vapwile vaka-kushonga mamanya akutungisa Njuvo ya Shukulu Kalunga.

2 Mizimbu 2:2

Co Solomoni waakele vanalume vakupwa 70,000 ku vipangi vyakututa vivala, co vanalume vakupwa 80,000 ku vipangi vyakushonga mamanya. Co lalo kwakele vanalume vakupwa 3,600 vakulunu va vipangi.

2 Mizimbu 2:3

Co Solomoni watumine lijwi kuli Mwene Hilame wa ku Tile ngwendi, “Njikwase ngwe muwakwasele tate, Mwene Ndaviti, omo wamulandesele viti vya kendale vyakutungisa lipela lyendi.

Ezela 3:7

Vanu vecele vimbongo vyakufweta vaka-kushonga mamanya, na vaka-kushonga, co vaanene vyakulya, na vyakunwa, na mazi a olive kuli vanu va ku Tile, na Sindone, nakulandakana na miti ya kendale ya ku Lembanone, ngeci vavinene na mema a kalunga ku Yopa. Vyoshe evi vavilingile na lisesa lya kuli mwene Siluse wa Pelesha.