1 Mizimbu 12:8 - Livulu lya Shukulu Kalunga

⁸ Awa akewo mazina a mashwalale va lutsimo va mana, va ku muyati wa Ngande vaje valipandakanene mu nzita na mashwalale va Ndaviti omo wakele mu cimpaka mu mambo. Vakevo vazivukile kulwa manene na vintelo, na makunga, co vihanga vyavo vyapwile vya kuluvala ngwe vindumba, co vakele na lumbisi ngwe vishonge va ku munkinda.

1 Mizimbu 12:8 Iomraidhean Croise

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

2 Samwele 17:10

Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Samwele 2:18

Vana va Zeluya vatatu vakele kuje, Yowave, na Avishai, na Ashahele. Ashahele uje wakele na lumbisi ngwe mbambi,

2 Samwele 23:20

Mbenaya muna Yehoyanda wa ku Kambizele wapwile lishwalale mukwavo wa lutsimo, walingile vilinga vyavingi vya nzili, watsiile vaMowavi vavali vakele na nzili ngwe vindumba. A simbu imo washelumukile mu mbulu, watsiile ndumba a litangwa lya mema akukonda.

1 Mizimbu 11:16

A simbu ije Ndaviti wakele mu cimpaka ca a lilundu, co mbunga imo ya vaFilisitiya vakele mu Mbetelehema.

1 Mizimbu 11:22

Mbenaya muna Yehoyanda wa ku Kambizele wapwile lishwalale mukwavo wa lutsimo, walingile vilinga vyavingi vya nzili, watsile vaMowavi vavali vakele na nzili. A litangwa lya mema akukonda washelumukile mu mbulu, wakatsiilemo ndumba.

1 Mizimbu 12:16

A simbu imo mbunga ya vanu va ku miyati ya Mbenjemani, na Yunda vaile ku cimpaka kuje kwakele Ndaviti.

1 Mizimbu 12:7

na Njoela, na Zevandiya, vana va Njelohame wa ku Ngendole.

1 Mizimbu 12:9

Ezele ikeye wapwile mukulunu, na Ovandiya, na Elyave,

2 Mizimbu 25:5

Mwene Amaziya wakungulwile vanalume voshe va muyati wa Yunda na Mbenjemani, wavaangunwine mu vimbunga vya vushwalale, ngwe ku vikota vyavo, co waakele vamyata ngeci vashike vimbunga vya vanalume vakupwa 1,000, na vimbunga vikwavo vya vanalume vakupwa 100. Eci capwile kupandakanako vanalume voshe vaje vakele na myaka makumi avali nambe kutuvakana, voshe vapwile 300,000. Vapwile mashwalale vakwanguka, vaje valivwaeselele cimweja kulwa nzita, vazivukile kulwisa makunga na vintelo.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Visimo 6:5

Tunda mu mweto ou ngwe kazila, nambe ngwe mbambi atewa ciyambi.

Myaso ya Solomoni 8:14

Zambula muka-cizemo cange, shatuka lumbisi ngwe mbambi, nambe ngwe shonge ashatukila ku minkinda kuje kulinakumena n̄undu.

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

1 Samwele 23:14

Ndaviti wavandele mu lifuti lya malundu, mu mambo kuyehi na Zife. Simbu yoshe Saulu wesekele manene ngeci awane Ndaviti, oloni Njambi kakundikile Ndaviti mu mavoko a Saulu.

1 Samwele 23:29

Ndaviti watundile kuje, waile ku lifuti lya Engendi, kwakavandele.

1 Samwele 24:22

Co Ndaviti walikumiiye ngeci akacilinga. Asinoni Saulu welukile kwimbo, co Ndaviti na vanu vendi velukile ku mwela wavo wavuvandelo.