1 Mizimbu 12:40 - Livulu lya Shukulu Kalunga

⁴⁰ Co vanu vaje valyatele navo kushangumukila ku miyati ya Isakale ya ku kunto, na Zembuloni, na Nafetali, vanenele vyakulya a vimulu, na tumelo, na vimula, na a vingombe vaje vambatele vunga vwa tiliku, na vushuka vwa mikuyu vwakuma, na makasha-kasha a mikolovozi ya vushuka vwa vinyu, na mazi a olive. Co vanenele lalo na vingombe, na vimanga vakutsiya ngeci valye. Vyoshe evi vyalingiwile omwo akuvwaelela kuje kwakele mu lifuti lyoshe.

1 Mizimbu 12:40 Iomraidhean Croise

2 Samwele 16:1

Omo Ndaviti washelumukile kamandondo kutunda akamwa ya lilundu, waliwanene na Ziva, ngamba ya Mefimboshete, wakele na vimulu vavali vambatele mikasha ya makende 200, na makasha-kasha 100 a vushuka vwakutonola, na makasha-kasha 100 a vushuka vwakuma, na njeke ya cilambu ya vinyu.

1 Vimyene 1:40

Asinoni vanu voshe vamukavele munima, vatambekele nakujolela nakwimba vimbendo, valingile muyoyo wakama, co livu lyajajele.

2 Vimyene 11:20

Vanu voshe vavwaelelele, mu nganda mwolokele kuluu, omwo Ataliya vanamutsii laja mu lipela.

1 Mizimbu 12:39

Co vakele matangwa atatu kuje amo na Ndaviti, co valile nakunwa vije vivavavwaeselele vavushoko vwavo.

1 Mizimbu 13:1

Mwene Ndaviti walizivasanene na vakulunu voshe vaka-kushika vanu 1,000 na vaka-kushika vanu 100.

1 Mizimbu 29:22

Ngecivene, a litangwa lije vavwaelelele manene omo valile nakunwa ku mesho a Shukulu Kalunga. Vendekele lalo simbu yamucivali ngeci Solomoni ikeye mwene. Mu lizina lya Shukulu Kalunga vamuvwavesele mazi, kupwa muka-kuvashwana, na Zandoke muka-kukombelela.

Visimo 11:10

Vivezikiso vya vaka-kulongwa, vikanenela nganda kuvwaelela, omo vaka-vuvi vatsa, co kukakala kujolela.

Visimo 29:2

Omo vaka-vushunga vashwana, co vanu voshe valisamba, oloni omo vaka-vuvi vashwana, co vanu vakemanga.

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

1 Samwele 25:18

Co vwasi-vwasi Avingaile wambatele mikasha ya makende yakupwa 200, na vinjeke vivali vya vilambu vyakushula na vinyu, na vimanga vatanu vakwoca, na mitonga likumi na ivali ya vimbuto vya vinona vyakwoca, na makasha-kasha 100 a mikolovozi ya vushuka vwa vinyu, na makende 200 amavwa a mikuyu akuma, wavilondekele a vimulu.