1 Mizimbu 12:39 - Livulu lya Shukulu Kalunga

³⁹ Co vakele matangwa atatu kuje amo na Ndaviti, co valile nakunwa vije vivavavwaeselele vavushoko vwavo.

1 Mizimbu 12:39 Iomraidhean Croise

Kushangumuka 26:30

Asinoni Isake wavavwaeselele ciwano, co valile nakunwa.

Kushangumuka 31:54

Yakomba wakombelelele n̄ombelo aje a munkinda, co walanyeleko vavushoko vwendi vakulye vyakulya vije, co valile. Valalele aje a munkinda vutsiki vuje.

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 19:42

Co vanalume va ku Yunda vakumbulwile ngwavo, “Tunalingi eci omwo mwene wapwa kavushoko ketu wa a mbunge. Cooni cuma mukajo camiluvalesa? Yetu kutwalile vyakulya vya mwene, nambe mwene katwanene cuma cimo embwe.”

2 Samwele 6:19

co waanene vanu voshe vyakulya. Waanene munu na munu, munalume na munakazi mu Isalele, mukasha wa likende, na cipuka ca situ yakwoca, na likasha-kasha lya vinyu vyakuma. Asinoni vanu voshe vaile ku membo avo.

1 Mizimbu 11:10

Awa akewo mazina a mashwalale va Ndaviti va lutsimo. Amolika na vungi vwa vanu va Isalele, vakevo vamukwasele apwe mwene, ngwe mwakulaesele Shukulu Kalunga, co vakolesele vumwene vwendi.

1 Mizimbu 12:38

Co mashwalale voshe ava, valivwaeselele cimweja nzita, vaile ku Hevelone, vayongwele kupwisa Ndaviti mwene mu Isalele mwoshe. Co vanu va Isalele voshe valizivasanene mu vutumbe ovu.

1 Mizimbu 12:40

Co vanu vaje valyatele navo kushangumukila ku miyati ya Isakale ya ku kunto, na Zembuloni, na Nafetali, vanenele vyakulya a vimulu, na tumelo, na vimula, na a vingombe vaje vambatele vunga vwa tiliku, na vushuka vwa mikuyu vwakuma, na makasha-kasha a mikolovozi ya vushuka vwa vinyu, na mazi a olive. Co vanenele lalo na vingombe, na vimanga vakutsiya ngeci valye. Vyoshe evi vyalingiwile omwo akuvwaelela kuje kwakele mu lifuti lyoshe.