1 Mizimbu 11:5 - Livulu lya Shukulu Kalunga

⁵ VaNjevushi valekele Ndaviti ngeci kakasa kukovela muje mu nganda, oloni Ndaviti wafungulwile cimpaka cavo ca Siyone, vacitumbwile ngwavo, “Nganda ya Ndaviti.”

1 Mizimbu 11:5 Iomraidhean Croise

2 Samwele 5:9

Omo nafungulula laja cije cimpaka cakukola, co Ndaviti wakelemo wacilukile ngwendi, “Nganda ya Ndaviti.” Watungilileko cimpaka, kushangumukila ku mutambela kuje kwakele livu ku mutambela wa mu ngangela ku lilundu.

2 Samwele 6:10

Ngecivene, Ndaviti wayongwele ngeci kesi aye naco ku Yelusalema, oloni, ikeye waangunukile mu ngila, co wacitwalele ku njuvo ya Ovende Endome, wa mu nganda ya Ngate.

2 Samwele 6:12

Mwene Ndaviti wazivile ngwavo, “Shukulu Kalunga navezikisa Ovende Endome na naanga yendi na vyoshe vije vyali navyo omwo ya Cikasa ca Cikumiiyo.” Ngecivene, Ndaviti waile wakashakele Cikasa ca Cikumiiyo ku njuvo ya Ovende Endome wacitwalele ku Yelusalema nakuvwaelela manene.

1 Vimyene 8:1

Asinoni Mwene Solomoni wasanene vantwama voshe va miyati na vikota vya Isalele kwija kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, nganda ya Ndaviti, ngeci vacinene ku Njuvo ya Shukulu Kalunga.

1 Mizimbu 11:4

Mwene Ndaviti na vaIsalele voshe vaile nakulwisa nganda ya Yelusalema. A simbu ije yapwile Njevushi, co vaNjevushi, vaje vapwile vavenya lifuti, vakele muje.

1 Mizimbu 11:6

Co Ndaviti wendekele ngwendi, “Munu uje akalivanga kutsiya kaNjevushi akapwa muka-kushika nzita!” Co Yowave, muna Zeluya, ikeye watwamenenene nzita, co wapwile muka-kushika nzita.

1 Mizimbu 11:7

Co Ndaviti waile nakukakala mu cimpaka cakukola, ngecivene, vacitumbwile “Nganda ya Ndaviti.”

2 Mizimbu 5:2

Asinoni Mwene Solomoni wasanene vantwama voshe va miyati na vikota vya Isalele vaije kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, Nganda ya Ndaviti, ngeci vacinene ku Njuvo ya Shukulu Kalunga.

Myaso 122:5

Kuje kukekwo kwakala matanda akusompesela, matanda a ku njuvo ya Ndaviti.

Myaso 132:13

Shukulu Kalunga naangula Siyone kupwa limbo lyendi.

Myaso 2:6

“Njinaka mwene yange a Siyone, lilundu lyange lyakujela.”

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Myaso 78:68

oloni waangwile muyati wa Yunda, na Munkinda wa Siyone uje wazemene.

Myaso 87:2

Shukulu Kalunga wazema nganda ya Yelusalema, kutuvakana mitambela yoshe ya mu Isalele.

Myaso 87:5

Mwa vushunga vakendeka ali Siyone ngwavo, miyati yoshe vatunda muje, co Shukulu Kalunga Muka-nzili yoshe akaikolesa.

Myaso 9:11

Imbeni myaso yakushangazala Shukulu Kalunga, uje wakala mu Siyone! Lekeni vanu voshe vije vyanalingi!

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Maako 19:10

Oloni uje munalume katavele kulala kuje vutsiki vuje embwe, co wakatukile waile, wetele kuje kwalishungama na Njevushi (ikeyo Yelusalema). Wakele na vimulu vavali vakulemeka visileyi, co na lishano lyendi lya mbanja wakele amo nendi.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.