1 Mizimbu 11:20 - Livulu lya Shukulu Kalunga

²⁰ Co Avishai ndolome ya Yowave wapwile ntwama ya mashwalale “Makumi Atatu va Lutsimo.” Ikeye walwile na vanalume 300 na likunga lyendi, co wavatsiile, watsimanene akati ka vaje “Makumi Atatu.”

1 Mizimbu 11:20 Iomraidhean Croise

2 Samwele 18:2

Asinoni wavatumine mu vimbunga vitatu, amo na Yowave, na Avishai ndolome ya Yowave, na Itai wa ku Ngate, co umo na umo wapwile muka-kushika wa mbunga imo. Co mwene wendekele kuli vanu vendi ngwendi, “Nange njiya neni amolika.”

2 Samwele 2:18

Vana va Zeluya vatatu vakele kuje, Yowave, na Avishai, na Ashahele. Ashahele uje wakele na lumbisi ngwe mbambi,

2 Samwele 20:6

Ngecivene, mwene wendekele kuli Avishai ngwendi, “Shemba akatunenela vukalu kutuvakana Avisalome. Ya na vanu vange muye nakumukava, kutewa akakovela mu vinganda vya vivumbe, co akatuvomboloka.”

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

2 Samwele 3:30

Ngecivene, Yowave na ndolome yendi Avishai valingile shambandinga ali Avinele omwo watsiile ndolome yavo Ashahele mu nzita ku Ngimbiyone.

1 Mizimbu 11:19

co wendekele ngwendi, “Yange kunjasa kuwanwa! Cipwa ngwe njilinakunwa maninga ava vanu valambwile myonyo yavo!” Ngecivene, wavyanene kuwanwa. Evi vikevyo vyapwile vilinga vyakwamuka vya mashwalale vaje vatatu vakutsimana.

1 Mizimbu 11:21

Watsimanene manene kuli vaje “Makumi Atatu”, co wapwile ntwama yavo, oloni ikeye katsimanene ngwe vaje “Vatatu.”

1 Mizimbu 2:16

Co wakele lalo na vana vendi va vanakazi vavali, mazina avo, Zeluya, na Avingaile. Muna Njesi Zeluya wakele na vana vatatu va vanalume mazina avo, Avishai, na Yowave, na Ashahele.

1 Samwele 26:6

Co Ndaviti wehwile Ahimeleki kaHiti, na Avishai ndolome ya Yowave (vaina vapwile Zeluya) ngwendi, “Iya umo akati keni aya nange ku cilombo ca Saulu?” Avishai wamukumbulwile ngwendi, “Yange njiya nove.”