1 Mizimbu 11:2 - Livulu lya Shukulu Kalunga

² A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga Njambi yove wakukulaesele ngeci ukatwamenena vanu vendi nakupwa mwene yavo.”

1 Mizimbu 11:2 Iomraidhean Croise

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

2 Samwele 7:7

Mu mitambela mwoshe munjinende na vanu va Isalele nalumo lwai njehwile umo wa vantwama va miyati ya Isalele vaje njaangwile kunyunga vanu vange ngwange omwo vikajo kumwanjitungilile njuvo yakutunga na kendale.’

1 Vimyene 14:7

Ya ukaleke Yelovowame ngwove evi vikevyo vyanendeka Shukulu Kalunga, Njambi ya Isalele, ngwendi, ‘Njakwangwile akati ka vanu nakukupwisa muka-kushwana vanu vange va Isalele.

1 Vimyene 3:9

Ngecivene, unjane mana akushwana nawo vanu vove mu vushunga nakuzivuka kwangununa akati ka vuvwa na vuvi. Nga kesi mukemwo ni, co vatijo njasa kushwana vanu vove ava vavangi ngacije?”

Myaso 78:71

wamutundisile ku matanga a vimanga akupwa 1,000, co wamupwisile mwene wa Isalele, kanyungi ka vanu va Njambi.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Kulava 27:17

uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Yowano 10:4

Omo navatuula anja, atwama kulutwe lwavo, co vimanga vamukava munima, omwo vazivuka lijwi lyendi.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 18:13

A cifwa cangacije, Saulu watundisile Ndaviti mu njuvo yendi, co wamupwisile muka-kushika vanu 1,000. Ndaviti watwamenenene vanu vendi mu nzita,