1 Mizimbu 11:10 - Livulu lya Shukulu Kalunga

¹⁰ Awa akewo mazina a mashwalale va Ndaviti va lutsimo. Amolika na vungi vwa vanu va Isalele, vakevo vamukwasele apwe mwene, ngwe mwakulaesele Shukulu Kalunga, co vakolesele vumwene vwendi.

1 Mizimbu 11:10 Iomraidhean Croise

2 Samwele 3:21

Co Avinele wendekele kuli Ndaviti ngwendi, “Ololo oni njikafungulula Isalele yoshe ngeci ikale ku mutambela wove shukulu yange. Vakakutambula kupwa mwene, co ukambata vyoshe viwushaka, co ukashwana lifuti lyoshe.” Ngecivene, Ndaviti washuwile Avinele, co waile mwamuvwa.

1 Mizimbu 11:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele, ngwe mwavakulaesele Shukulu Kalunga ali Samwele.

1 Mizimbu 12:21

Co vakwasele Ndaviti akupwa vakulunu va nzita yendi, omwo voshe vapwile mashwalale va lutsimo. Co akukotoka vapwile vakulunu va nzita ya va Isalele.

1 Mizimbu 12:23

Omo Ndaviti wakele ku Hevelone, co mashwalale vavangi vakulilongesa valipandakanene ku nzita yendi mukumukwasa ngeci apwe mwene ainge mu mwela wa Saulu, ngwe muje mwakulaesele Shukulu Kalunga. Ovu vukevwo vungi vwavo.

1 Mizimbu 12:24

Kuli Yunda kwatundile vanalume 6,800 vakulivwaesela cimweja, vakushwela vintelo na makunga.

1 Mizimbu 12:38

Co mashwalale voshe ava, valivwaeselele cimweja nzita, vaile ku Hevelone, vayongwele kupwisa Ndaviti mwene mu Isalele mwoshe. Co vanu va Isalele voshe valizivasanene mu vutumbe ovu.

1 Mizimbu 12:39

Co vakele matangwa atatu kuje amo na Ndaviti, co valile nakunwa vije vivavavwaeselele vavushoko vwavo.

1 Mizimbu 27:1

Ou ukewo mukana wa vakulunu va mu naanga ya vaIsalele na vantwama va vikota na vamyata vavo vaje vatwamenenene vipangi vya vumwene. A ngonde na ngonde, a mwaka uje vene, munga yeka ya vanalume vakupwa 24,000 vakele na kulyakula-akula vipangi mwisi ya muka-kushika wa mu ngonde ije.

1 Mizimbu 28:1

Mwene Ndaviti washikile vamyata va mu Isalele voshe kukungulukila mu Yelusalema. Ngecivene, vamyata voshe va miyati, na vamyata vaka-kwendesa vipangi vya vumwene, na vantwama va vikota, na vaka-kunyunga vufuko, na vimuna vaje vafukile mwene na vana vendi, na vamyata voshe va mu lipela, na vantwama va mashwalale, na vanu va vulemu, vakungulukile mu Yelusalema.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”