1 Kolinte 9:8 - Livulu lya Shukulu Kalunga

⁸ Kunjasa kwimika simbu a vije vya a litangwa na litangwa mukuvipwisa cimweso, omwo Lishiko lyendeka cuma cimo.

1 Kolinte 9:8 Iomraidhean Croise

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

1 Kolinte 14:34

vanakazi vanapande kwoloka kuluu mu cikungulukilo. Kuvavatavesele kwendeka, ngwe mulyendeka Lishiko lya vaYunda, kuvapandele kushika.

1 Kolinte 7:40

Oloni avwaelela manene nga atumbama mu vuzike. Evi vinapu viyongola vyange lika, co njayongola ngwange nange lalo njili na Munzinzime wa Njambi.

Ngalatiya 1:11

Njilinakumileka, vakwetu ngwange, muzimbu njilinakwambulula kuwapwile wakutunda kuli vanu embwe.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.