1 Kolinte 9:7 - Livulu lya Shukulu Kalunga

⁷ Kuma mashwalale vakalifwetela vakevo vavenya mu vipangi vyavo vya vushwalale ndi? Nambe ndimi muka uje kesi kulya ku vushuka vwa mikolovozi ya vinyu vwa mu lihya lyendi? Nambe kanyungi muka uje kesi kunwa mavele a ku vimanga vendi?

1 Kolinte 9:7 Iomraidhean Croise

Visimo 27:18

Uje avwaesa muti wa mukuyu, akalya vushuka vwawo, na munu lalo uje ononoka Shukulu Kalunga kendi, vakamusingimika.

Visimo 27:27

Co kuje ku vimembe vakwavo lalo kukekwo kuuwana mavele akulwa na naanga vove, amo na vangamba vove voshe.

Myaso ya Solomoni 8:12

Citungu cange ca mikolovozi ya vushuka vwa vinyu, cinapu cange vavenya, Solomoni asa kutulika mavundungulu a siliva akupwa 1,000, na vaka-kulima vasa kutulika vyuma vyakupwa 200 vije vawana mu mahya avo.

Isaya 7:22

vakakala na mavele amangi, co uje ndimi akakala na vyoshe vyanashaka. Eyo, vaje vavandondo vanasalao mu lifuti vakanwa mavele nakulya vuki.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Kwituluka mu Mashiko 18:8

Akakale na vyakulya vyakupwisa amo na vakwavo vaLevi, co napande kutulika vije vyoshe vikatunda ku naanga yendi.

Kwituluka mu Mashiko 20:6

Kuli munu umo kuno nakunu citungu ca mikolovozi ya vushuka vwa vinyu, oloni kanda acilye vushuka vwamwo? Nga kwali, co eluke kwimbo, kutewa vakamutsiila mu nzita, co munu weka akalya vushuka vwamwo.

1 Timateo 1:18

Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa,

1 Timateo 6:12

Lwa nzita yaivwa yakukulaela, nganyala mwonyo wa myaka yoshe, uje wakusanenene Njambi omo walitavelele ku mesho a vakaleo vavangi.

2 Timateo 4:7

Njinalu nzita yaivwa, co njinashatuka nakwetesa seteko yange, co njinanyungu kukulaela.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.