1 Kolinte 9:4 - Livulu lya Shukulu Kalunga

⁴ Kuma kunjesi na moko yakunjana kulya nakunwa a vipangi vyange ndi?

1 Kolinte 9:4 Iomraidhean Croise

VaLevi 22:7

Co omo litangwa linatoko, akapwa wakujela. Asinoni akasa kulya ku vin̄ombelo vyakujela, omwo vikevyo vinapu vyakulya vyendi.

Mateo 10:10

Kesi mwambate lipakumuna mu vungenzi vweni, nambe vikoveyo vivali, nambe vin̄aku, nambe mulamu. Omwo muka-kupanga napande kutambula fweto yendi.

Luka 10:7

Kaleni mu njuvo ije vene, lyeni nakunwa vyoshe vije vivakamyana, omwo muka-kupanga napande kutambula fweto yendi. Kesi mukendangane kutunda ku njuvo imo kuya ku njuvo ikwavo embwe.

Vilinga vya Miluwa 20:33

Kunjashakele siliva ya munu nambe ngolinde nambe vuzalo.

1 Kolinte 9:3

Omo vanu vanjiyeluwisa, omu mukemwo munjikalyamena yange vavenya.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

1 Tesalonika 2:6

Kutwashakele ngeci vatushangazale kuli munu umo embwe, nambe kuli yeni nambe kuli veka,

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.