1 Kolinte 9:22 - Livulu lya Shukulu Kalunga

²² Akati ka vaje vanazeye mukukulaela kwavo nange lalo njipwa ngwe umo wavo mu kuzeya, ngeci njivawane. Ngecivene, njilipwisa umo mu vyoshe kuli vanu voshe, ngeci njovoleko vamo nga citava kulingamo.

1 Kolinte 9:22 Iomraidhean Croise

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 14:1

Tambuleni mwamuvwa munu uje kanda akole mukukulaela, oloni kesi mulinge nendi vimata a viyongola vyendi.

Loma 14:2

Kukulaela kwa munu umo kumutavesa kulya nkala cuma, oloni munu uje kanda akole mukukulaela ikeye alya lika visapa-sapa.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 7:16

Ove munakazi muka-Yesu wazivuka vati ngwove wasa kwovola munalume wove? Nambe wazivuka vati ove munalume muka-Yesu ngwove wasa kwovola munakazi wove?

1 Kolinte 8:13

Ngecivene, nga vyakulya vilingisa mukwetu ngeci alinge vuvi, co kunjikali situ lalo, kutewa njilingisa mukwetu kuwila mu vuvi.

1 Kolinte 9:19

Omwo nameme njinapu munu wakupatuka, kunjapwile nji ndungo ya munu naumo wai, oloni njalipwisa yange vavenya ndungo ya voshe ngeci njiwane vanu vavangi nga citava.

1 Kolinte 9:23

Njilinga evi vyoshe omwo muzimbu wauvwa, ngeci tuwanenemo vivezikiso muli ukewo.

2 Kolinte 11:29

Ngecivene, nga umo nazeye, co nange lalo njinazeye, nga umo nawila mu vuvi, nange lalo njiziva kuvavala ku mbunge.

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.