1 Kolinte 9:17 - Livulu lya Shukulu Kalunga

¹⁷ Omwo nga njilinga vipangi vyange ngwe akwangula kwange vavenya, nga njasa kutambula fweto, oloni njilinakupanga ngwe vipangi vyange vije vinanjipande, omwo Njambi nanjikundika cipangi eci.

1 Kolinte 9:17 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:14

“Nameme yange na vanu vange, kutwasa kukwana cuma cimo, omwo vyuma vyoshe vyapwa vwana vwakutunda kuli yove, co yetu tunakwilwisila lika vije vyapwa laja vyove.

1 Mizimbu 29:5

na vyuma vyoshe vije vivakalinga vaka-vutongwe. Co ololo iya ali na cizango cakwana vwana kuli Shukulu Kalunga?”

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

Nehemiya 11:2

Vanu vashangazalele munu woshe uje walyaanene kutunga mu Yelusalema.

Isaya 6:8

Asinoni njazivile lijwi lya Shukulu Kalunga ngwalyo, “Iyajo injikatuma! Iyajo akapwa muluwa wetu?” Co njakumbulwile ngwange, “Yange unoye! Njitumeni!”

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Mateo 10:41

Woshe uje atambula muluwa wa Njambi, omwo wapwa muluwa wa Njambi akatambula cikandelela ca muluwa. Co woshe uje atambula muka-vushunga, omwo ikeye napu muka-vushunga akatambula cikandelela ca muka-vushunga.

Mateo 24:25

Tolilileni! Njinamilekela cimweja omo simbu kanda yete.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Yowano 4:36

Uje ateja valinakumufweta, co alinakukungulula vimbuto vya mwonyo wa myaka yoshe, ngecivene, muka-kukuna na muka-kuteja voshe vakavwaelela amolika.

1 Kolinte 3:14

Nga vipangi vije vyanatungila munu a luvula vikasholoka mwamuvwa ku tuhya, co muka-kutunga akatambula cikandelela.

1 Kolinte 3:8

Kukwesi lyangununo akati ka uje akuna na uje atukumwina, Njambi akaana cikandelela ku munu na munu ngwe ku vipangi vyendi vyanalingi.

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

1 Kolinte 9:16

Omwo kunjesi na moko yakulishasha omwo akwambulula muzimbu wauvwa. A vyoshe evi, njili mwisi ya mashiko akulinga ngacije. Ngongo yange nga kunjambulula muzimbu wauvwa!

1 Kolinte 9:18

Ngecivene, fweto mukajo njiwana? Inapu vwana vwakwambulula Vin̄anda Vyavivwa kujeneka kutambula fweto, kujeneka kwendeka a moko yange ya vipangi vyange vyakwambulula muzimbu wauvwa.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

Ngalatiya 2:7

Oloni mu ngila ikwavo, vamwene ngeci Njambi nanjana vipangi vyakwambulula muzimbu kuli vaje kesi vaYunda, ngwe mwanene Petulu vipangi vyakwambulula muzimbu kuli vaYunda.

Kolose 1:25

Co Njambi nanjipwisa ngamba ya cikungulukilo, uje wanjanene cipangi eci omwo yeni. Eci cipangi capwa cakwambulula lijwi lyendi,

1 Tesalonika 2:4

Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.

Filimoni 1:14

Oloni kunjishaka kulinga cuma cakujeneka yove kuzivuka, njishaka yove ucilinge na cizango ca mbunge yove. Ngecivene, kunjasa kulinga cuma cimo kuvanga yove unatava.