1 Kolinte 9:16 - Livulu lya Shukulu Kalunga

¹⁶ Omwo kunjesi na moko yakulishasha omwo akwambulula muzimbu wauvwa. A vyoshe evi, njili mwisi ya mashiko akulinga ngacije. Ngongo yange nga kunjambulula muzimbu wauvwa!

1 Kolinte 9:16 Iomraidhean Croise

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Amose 3:8

Omo ndumba aana, iyajo kazivi lyova? Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?

Amose 7:15

Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele.

Mateo 25:16

Uje ngamba watambwile vimbongo vyakupwa 5,000 waile nakukasekasana, wawaneneo lalo vimbongo vyakupwa 5,000.

Luka 9:62

Yesu wendeklele kuli ikeye ngwendi, “Naumo wai uje nashangumuka kulima na vingombe, co akenga-kenga kunima apwa wa seo mu Vumwene vwa Njambi.”

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Vilinga vya Miluwa 9:6

Oloni katuka uye mu nganda, co vakakuleka viwunapande kulinga.”

Loma 1:14

Omwo njili na likongo lya vipangi akati ka vanu voshe, kuli vaka-kunanguka na ku vilema, kuli vaka-kulilongesa na kuli vaje vali ku nzimba.

Loma 15:17

Mu kulitombola muli Kilistu Yesu, njasa kulishasha akupangela Njambi.

Loma 4:2

Omwo nga ikeye vamupwisile muka-vushunga ku mesho a Njambi a vyuma vije vyalingile, nga wapandele kulishasha, oloni kalishashele ku mesho a Njambi.

1 Kolinte 4:15

Omwo nameme muli na valongisi vakupwa 10,000, muli Yesu, oloni muli na ishweni umolika. Omwo mukuyoya kweni muli na Kilistu Yesu yange njinapu nji ishweni akuminenela Vin̄anda Vyavivwa.

1 Kolinte 9:12

Nga veka vali na moko yakutambula eci kuli yeni, kuma yetu kutwesi na moko yakutuvakana ndi? Oloni kutwapangesele moko yetu. Oloni tunalitakamesa mu vyuma vyoshe kutewa twaka citanukiso mu ngila ya vipangi vya Vin̄anda Vyavivwa vya ali Kilistu.

1 Kolinte 9:14

Mu ngila eyi vene, Mwene nashiki ngeci vaje valinakwambulula muzimbu wauvwa vanapande kuwana vyakuyoya kwavo kutunda kukwambulula muzimbu wauvwa.

2 Kolinte 2:12

Omo njetele mu Tolowasi nakwambulula lijwi lya Kilistu, njawanene Mwene nanjishokolwela cikolo a vipangi vyendi kuje.

Kolose 4:17

Co lekeni Acipase ngweni, “Kenga ngwove unamanesa vipangi vije vivakwanene mukupangela Mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.