1 Kolinte 8:12 - Livulu lya Shukulu Kalunga

¹² Co mu ngila eyi vene, ulinakulinga vuvi kuli Kilistu akulinga vuvi ku vakweni vaka-Yesu nakuvulumuna citaku-taku cavo cakuzeya.

1 Kolinte 8:12 Iomraidhean Croise

Kushangumuka 20:9

Asinoni Ambimeleki wasanene Avilahama nakumwihula ngwendi, “Vika walingi kuli yetu? Vuvi mukajo njalingi kuli yove mukunjikokela mulonga ou yange na vumwene vwange? Naumo wai napande kulinga evi viwunalingi kuli yange.

Kushangumuka 42:22

Co Luvena wavakumbulwile ngwendi, “Kunjamilekele ngwange, kesi muvulumune ou mukwenje ndi? Oloni yeni mwavyanene kunjitolilila. Co ololo tulinakutambula fweto omwo a kutsa kwendi.”

Kutuuka 16:8

Asinoni Mosesa wendekele ngwendi, “Ikeye Shukulu Kalunga akamyana situ imukalya ku cingwezi na makende amangi ku simbu ya mutondo, omwo ikeye nazivi kutatoka kweni mulinakumutatwesa. Omo yeni mulinyenga nakututatwesa, kumutatwesa yetu embwe, oloni mulinakulinyenga nakutatwesa Shukulu Kalunga.”

Kutuuka 32:21

Co Mosesa wendekele kuli Alone ngwendi, “Vikajo vanalingi vanu ava kuli yove, ngeci uvakovelese mu vuvi vwakukomokesa ngacije?”

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:21

Asinoni Petulu wezile kuli Yesu wamwihwile ngwendi, “Mwene, nga mukwetu anga acinjivulumwina, visimbu vingaijo njikamusambesa? Visimbu vitanu na vivali ndi?”

Mateo 18:6

“Nga munu umo atanganesa mwanike wamundondo ngeci kesi akulaele kuli yange, mwamuvwa munu wangacije kumukutiiya limanya lyakama lyakulolela vunga mu mukoshi wendi nakumumbila a nzinga ya mema a kalunga.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Mako 9:42

“Nga munu umo atanganesa mwanike wamundondo ngeci kesi akulaele kuli yange, mwamuvwa munu wangacije kumukutiiya limanya lyakama lyakulolela vunga mu mukoshi wendi nakumumbila mu mema a kalunga.

Luka 17:2

Mwamuvwa kuli ikeye nga vamukutiiya limanya lyakama lyakulolela vunga mu mukoshi wendi nakumumbila mu mema a kalunga kutuvakana atanganese mwanike umo wamundondo kulinga vuvi!

Loma 14:20

Kesi unyongese vije vyanalingi Njambi omwo akulya lika. Vyakulya vyoshe vasa kuvilya, oloni kesi mwamuvwa kulya cuma cimo cije casa kulingisa umo ngeci awile mu vuvi.

1 Kolinte 12:12

Kilistu wapwa ngwe muvila umo, uje uli na vilyo vyavingi, oloni anga vene muvila umo, nameme vanaupanga mu vilyo vyavingi.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.