1 Kolinte 8:1 - Livulu lya Shukulu Kalunga

¹ Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

1 Kolinte 8:1 Iomraidhean Croise

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Isaya 5:21

Ngongo yeni! Yeni munayongola ngweni munapu mu vaka-mana, co mwanyanyama manene.

Kulava 25:2

Co vanakazi ava valanyele vanalume va Isalele ku viwano vyavo vyakukombelela kuje vakele nakulemesela vinjambi va vaMowavi. Vanalume va Isalele valile nakulemesa vinjambi vavo.

Vilinga vya Miluwa 15:10

Ngecivene, omwo vikajo ololo mushaka kweseka Njambi nakutwika citele a myongo ya vaka-kukulaela cije nameme vakukulwila vetu nameme yetu kutwasa kucambata?

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Vilinga vya Miluwa 21:25

Oloni ali vaje kesi vaYunda vanapu vaka-kukulaela, tunavatumina laja mukanda wakuvaleka ngwetu tunayongola ngwetu kuvapandele kulya vyakulya vije vanakombelela ku tumponya, nambe maninga, nambe kasitu wakutikinya, co vanapande kulitenga ku vupangala.”

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Loma 14:10

Ngecivene, kuli yove ukali lika visapa-sapa, omwo vikajo uhisila mukweni? Co lalo yove ukali coshe-icoshe, omwo vikajo uyengwila mukweni? Yetu voshe tukemana ku mesho a Njambi nakutusompa.

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 14:22

Kukulaela kuje mulinakwo akati keni vavenya na Njambi, navezika munu uje kalizivi kupaya omo alinga cuma cimo namono ngwendi cacivwa!

Loma 14:3

Munu uje alya coshe-icoshe kesi ayengule uje kesi nakulya, co uje alya lika visapa-sapa kesi ahise uje alya coshe-icoshe, omwo Njambi ikeye namutava.

Loma 15:14

Vakwetu, njamono ngwange mwa vushunga yeni munashulu na vuvwa, munazivisisa manene, co mwasa kulilongesa umo na mukwavo.

1 Kolinte 1:5

Omwo muli Kilistu vanamipwisa vaka-kufuka mu vyuma vyoshe, kuwezelelako na endekesi yoshe na mana oshe.

1 Kolinte 10:15

Njendeka kuli yeni ngwe vanu vaka-mana, iluleni yeni vavenya vije vinjendeka.

1 Kolinte 10:28

Oloni nga umo akuleka ngwendi, “Evi vyakulya vinapu vyakukombelela ku tumponya,” asinoni kesi uvilye, omwo ali uje nakuleka, co lalo omwo a citaku-taku,

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 4:10

Omwo Kilistu yetu tunapu vilema, oloni munapu vaka-mana muli Kilistu! Yetu tunapu vakuzeya, oloni yeni muli na nzili! Yetu valinakutushaula, oloni yeni valinakumisingimika.

1 Kolinte 4:18

Vamo veni muli na kulyalesa omwo munayongola ngweni amo kunjikaija kuli yeni.

1 Kolinte 4:6

Omwo ali yeni, vavusamba vange, vyuma evi njinavyetesa kuli Apolo na kuli yange vavenya, mukupangesa yetu tuvavali ngwe cimweso, ngeci mulilongese muvinalumbunukila vyendeka evi ngwavyo, “Nyungeni mashiko amavwa.” Naumo wai akalyalesela ali munu umo nakushaula mukwavo.

1 Kolinte 5:2

Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo.

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

1 Kolinte 8:2

Vaje vayongola ngwavo vazivuka cuma cimo, oloni kuvacizivuka ngwe muvanapande kucizivukilamo.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

Efeso 4:16

Ali ikeye vilyo vyoshe vya muvila vilinungakana amolika, co muvila woshe vanautungu amo mu manunga oshe ngwe kuseteko yawo. Ngecivene, omo cilyo cimo na cimo cipanga ngwe ku vipangi vyaco, co muvila woshe wamutunu ulinakukola, co ulinakulitunga ukewo vavenya mu cizemo.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

Kujombolola 2:14

Oloni kuli vyuma vyavindondo njalinyenge ali yove, kuvali vamo akati keni vaje vacikavangeya kulongesa kwa Mbalame, uje walongesele Mbalake kutwamenena vanu va Isalele kulinga vuvi akuvasindiya kulya vyakulya vije vanakombelela ku tumponya nakulinga vupangala.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.