1 Kolinte 7:35 - Livulu lya Shukulu Kalunga

³⁵ Njilinakwendeka evi omwo njishaka kumikwasa. Kunjishaka kumivindika. Oloni njishaka mulinge cuma cacivwa cakushungama, nakwaka vimbunge vyeni vyoshe ku vipangi vya Mwene kujeneka cuma cakumitangula.

1 Kolinte 7:35 Iomraidhean Croise

Mateo 19:12

Omwo kuli vingila vyavingi vije vinajenekesa vanu kwambata, omwo kuvali vamo vazike vasemukile ngacije vene mu memo a vainavo, co kuvali vazike omwo vanu vavalingisile kupwa vazike, co lalo kuvali vamo vazike vakevo vavenya valilingisile vazike omwo Vumwene vwa mwilu. Uje woshe asa kutambula vilongesa evi, avitambule.”

Mateo 22:15

Asinoni vaFaliseo vaile nakutumba vutumbe ngeci vakamweseke na vihula.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Luka 8:14

Vimbuto vije vyawililile akati ka mambimbo, vinemanena vaje vaziva lijwi, oloni lipakeso na vufuko nakuvwaelela kwa mwonyo ou vishulamo nakuvitiva, co kuvaimi vushuka.

1 Kolinte 7:2

Oloni omwo kuli vupangala manene, munalume woshe napande kukala na munakazi wendi, na munakazi woshe napande kukala na munalume wendi.

1 Kolinte 7:28

Oloni nga wambata, kuwalingile vuvi, co lalo nga munakazi wa muzike ashomboka, kalingile vuvi. Oloni njinamitetela lika a tuyando twa a litangwa na litangwa tuje vakakala natwo vaka-malo.

1 Kolinte 7:36

Nga munu nayongola ngwendi kesi nakulinga mwamuvwa kuli mumbanda uje yashaka kwambata, nga mashungu endi anapu akama, co ashaka kumwambata, napande kulingamo, kucapwile vuvi.

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

Tito 2:3

Na kuli vakulunu va vanakazi ngoco lalo vanapande kupwa vaka-kulisingimika ngwe muvakalingi vanakazi vaje vayoya yoyesi yakujela. Kuvapandele kupwa vaka-lufwe nambe vapwe vindungo va vinyu. Vanapande kulongesa vyavivwa