1 Kolinte 7:34 - Livulu lya Shukulu Kalunga

³⁴ co mbunge yendi ilinakumukokela mu vingila vivali. Muzike wa munakazi nambe mumbanda uje kanda alimone na munalume ali na cishota-mbunge ku vipangi vya Mwene, ngeci ajele ku muvila muvila na munzinzime, oloni munakazi wakushomboka ali na cishota-mbunge ku vyuma vya ano a kaye, omwo ashaka kuvwaelelesa munalume wendi.

1 Kolinte 7:34 Iomraidhean Croise

Yowano 10:13

Muka-kunyungila fweto atewa omwo akapangela fweto, co kazeme vimanga.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

1 Kolinte 7:33

Oloni muka-kwambata ali na cishota-mbunge ku vyuma vya ano a kaye, omwo ashaka kuvwaelelesa munakazi wendi,

1 Kolinte 7:35

Njilinakwendeka evi omwo njishaka kumikwasa. Kunjishaka kumivindika. Oloni njishaka mulinge cuma cacivwa cakushungama, nakwaka vimbunge vyeni vyoshe ku vipangi vya Mwene kujeneka cuma cakumitangula.

2 Kolinte 11:28

Co kesi ngwe njikumbulula vyuma vyeka, a litangwa na litangwa njili na citele cakushota mbunge mu vikungulukilo vyoshe.

2 Kolinte 8:16

Twakandelela kuli Njambi omwo natakamesa Tito na vakwavo ngwe mwatakamesele yetu lalo kumikwasa.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

1 Timateo 3:5

Omwo nga munu kasa kunyunga naanga yendi, co vatijo akasa kulela cikungulukilo ca Njambi?

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.