1 Kolinte 7:29 - Livulu lya Shukulu Kalunga

²⁹ Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

1 Kolinte 7:29 Iomraidhean Croise

2 Samwele 19:34

Oloni Mbazilai wamukumbulwile ngwendi, “Kunjiyoyo lalo simbu yakama, omwo vikajo njiila na shukulu ku Yelusalema?

Muka-kwambulula 6:12

Vatijo munu azivuka vije vinapu vyavivwa ku munu simbu eyi yaindondo ya mwonyo wendi wangoco, mwonyo uje ulinakwita ngwe munzinze? Vatijo munu akasa kuzivuka vyuma vije vikalingiwa mu kaye omo ikeye natsi laja?

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Ezekiyele 7:12

Simbu ilinakwija. Litangwa lili muyehi, omo kulanda nakulandulula kuvikakala lalo na seo, omwo Njambi akanyanyamesa vanu voshe mu cifwa cimo.

Luka 14:20

Weka lalo ngwendi, ‘Njinambata munakazi, cooni a cuma eci kunjasa kuyako.’

1 Kolinte 7:28

Oloni nga wambata, kuwalingile vuvi, co lalo nga munakazi wa muzike ashomboka, kalingile vuvi. Oloni njinamitetela lika a tuyando twa a litangwa na litangwa tuje vakakala natwo vaka-malo.

1 Kolinte 7:30

co vaje valinakulila, vapwe ngwe kuvesi na vusiwa, vaje valinakujola, vapwe ngwe kuvesi nakuvwaelela, vaje valinakulanda, vapwe ngwe kuvesi na vije vanalanda,

1 Kolinte 7:31

vaje valinakupangela vufuko vwa ano a kaye, vapwe ngwe kuvavupangelele. Omwo kano kaye, ngwe mukalimo ololo, kukakakalako simbu yakama.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Yowano 2:17

Kaye na vyuma vyoshe vilimo vije vanu vashungwiya lilinakwita, oloni vaje valinga cizango ca Njambi vakayoya myaka yoshe.