1 Kolinte 7:17 - Livulu lya Shukulu Kalunga

¹⁷ Ngwe omo Mwene naana vwana ku munu na munu mukemwo mwanavasanena ngeci vendelemo. Eli likelyo lishiko linjikalongesa mu vikungulukilo vyoshe.

1 Kolinte 7:17 Iomraidhean Croise

Mateo 19:12

Omwo kuli vingila vyavingi vije vinajenekesa vanu kwambata, omwo kuvali vamo vazike vasemukile ngacije vene mu memo a vainavo, co kuvali vazike omwo vanu vavalingisile kupwa vazike, co lalo kuvali vamo vazike vakevo vavenya valilingisile vazike omwo Vumwene vwa mwilu. Uje woshe asa kutambula vilongesa evi, avitambule.”

1 Kolinte 10:32

Yoya mu ngila ije kuyasa kwana vukalu nambe kuli vaYunda nambe kuli vaje kesi vaYunda nambe ku cikungulukilo ca Njambi.

1 Kolinte 11:16

Oloni nga umo ali na vimata a cuma eci, nambe yange nambe vikungulukilo vya Njambi kutwesi na ngila yeka lalo yakulemesela.

1 Kolinte 11:34

Nga umo ali na njala, alivange kulya ku njuvo yendi, kutewa mukakovela mu cihiso ca Njambi omo mukunguluka. Ngwe a vin̄anda vyeka lalo, njakuvishungamesa omo njikaija.

1 Kolinte 14:33

omwo Njambi katusanene tupwe vaka-kujeneka kwononoka, oloni mu lizivasano na mu kwoloka. Ngwe mu vikungulukilo vyoshe vya vanu va Njambi,

1 Kolinte 16:1

Ololo a n̄anda mwasonekele ya vimbongo vyakukwasa vanu va Njambi vali mu lifuti lya Yundeya, munapande kulinga ngwe muje njalekele vaka-vikungulukilo vya ku Ngalatiya.

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

1 Kolinte 7:18

Nga munu vamusanene kuli Njambi ikeye watuuka laja, co kapandele lalo apwe ngwe wakujeneka kutuuka, nga munu vamusanene kuli Njambi ikeye kanda atuuke, co kapandele kutuuka embwe.

1 Kolinte 7:24

Ngecivene, vavusamba vange, munu na munu napande kulitombola amo na Njambi ngwe muje mwakele omo vamusanene.

1 Kolinte 7:7

Nameme ngoco njishaka ngwange muva voshe mufwe ngwe yange, oloni munu na munu ali na vwana vuje vwanamwana Njambi, ou na vwana vwendi, mukwavo lalo na vwana vweka.

2 Kolinte 11:28

Co kesi ngwe njikumbulula vyuma vyeka, a litangwa na litangwa njili na citele cakushota mbunge mu vikungulukilo vyoshe.

2 Kolinte 8:18

Tulinakutuma amo nendi ndolome yetu ivanasingimika mu vikungulukilo vyoshe mu vipangi vyendi vyakwambulula lijwi.

Ngalatiya 1:22

Co a simbu ije vanu va mu vikungulukilo vya mu Yunda kuvazivukile cihanga cange.

1 Tesalonika 2:14

Vakwetu, vyuma vyalingiwile kuli yeni ngwe vije vyalingiwile ku vikungulukilo vya Njambi mu Yundeya, kuli vanu kuje vaje vanakundama kuli Kilistu Yesu. Mwayandele na mapakeso a cifwa cimo aje atundile kuli vanu veni aje vakevo vayandele kuli vaYunda,

2 Tesalonika 1:4

Omu mukemwo tulinakulyalesela ali yeni mu vikungulukilo vya Njambi. Tulinakulyalesela a lukakateya lweni nakukulaela kweni mu mapakeso oshe awa na n̄avava ije mulinakumona.