1 Kolinte 6:9 - Livulu lya Shukulu Kalunga

⁹ Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

1 Kolinte 6:9 Iomraidhean Croise

Kushangumuka 19:5

Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.

Kutuuka 23:1

“Kesi mushandole lingwavo lya makuli, co kesi mukwase munu ali na mulonga akwana vukaleo vwa makuli.

Visimo 11:1

Shukulu Kalunga wazinda vanu vaje vapangesa vipeseleso vya makuli, oloni avwaelela na vipeseleso vyavivwa.

Visimo 22:8

Uje akuva vuvi akateja tuyando, co kuluvala manene kwa vaka-vuvi kukahwa.

Visimo 7:27

Nga muya ku njuvo yendi, co muli mu ngila yakuya ku vukalo vwa vatsi. Ikeyo ngila yayasi yakuya ku kutsa.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Ezekiyele 18:11

vije ishe kavilingile. Akali situ yakukombelela ku tumponya, nakukokweya vanakazi va vakwavo.

VaLevi 18:20

Kesi ukalale na munakazi wa mukweni omwo eci cikamijwalesa.

VaLevi 18:22

Munalume kapandele kulala na mukwavo munalume, capwa cizila. Njambi azinda eci.

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

VaLevi 20:13

Nga munalume alinga vundeyi na mukwavo munalume, vanalingi cuma ca shwamwa manene, co muvuvali vwavo vavatsiye, omwo kutsa kwavo kwakulishakela vakevo vavenya.

Zakaliya 5:3

Co wendekele kuli yange ngwendi, “Mu livulu eli vanasonekao cisingo cije cikaya ano a kaye koshe. Mu mutambela umo wa livulu eli vanasonekamo ngwavo mwizi woshe vakamutundisa muno mu lifuti, co ku mutambela ukwavo vasonekao ngwavo woshe uje endeka makuli nakulisinga na ikeye lalo vakamutundisa mu lifuti.

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Luka 21:8

Yesu wendekele ngwendi, “Nyanyameni kesi vamikwise. Vanu vavangi vakaija mu lizina lyange nakwendeka ngwavo, ‘Yange vene ikeye!’ Co lalo ngwavo, ‘Simbu inete!’ Oloni kesi mukavakavangeye.

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

1 Kolinte 15:33

Kesi vamikwise, “Vwilanyo vwavuvi vuviisa vilinga vyavivwa.”

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

1 Kolinte 5:10

Oloni, kunjendekele vaka-kujeneka kukulaela vaje vaka-vupangala, vaka-cipululu vakevo lalo vezi, nambe vaka-kulemesa tumponya. A kulitepa navo munapande kutunda ano a kaye!

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

1 Kolinte 6:10

nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

1 Kolinte 6:19

Indi kumuzivuka ngweni mivila yeni yapwa njuvo ya Munzinzime Wakujela uje wakala muli yeni, uje wamyanene Njambi ndi? Co kumwakundamene kuli yeni vavenya, oloni munakundama kuli Njambi,

1 Kolinte 9:24

Mwa vushunga mwazivuka ngweni mu vweho vwa vaka-kushatuka, vaka-kushatuka voshe vashatuka amo, oloni umolika wavo ikeye atambula fweto. Ngecivene, shatukeni, mu ngila eyi vene ngeci mutambule fweto.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

Ngalatiya 6:7

Kesi mulikwise yeni vavenya, naumo wai ashendumuna Njambi. Munu ateja vije vyanakuvile.

Kwituluka mu Mashiko 22:22

“Nga munalume vanamukwata na munakazi wa mukwavo, co muvuvali vwavo vakavatsiye. Mu ngila eyi mukatundisa vuvi ovu mu Isalele.

Kwituluka mu Mashiko 22:5

“Vanakazi kesi vakazale vuzalo vwa vanalume, nambe vanalume lalo kesi vakazale vuzalo vwa vanakazi, omwo Shukulu Kalunga Njambi yeni wazinda woshe alinga cuma cangacije ca vunyengwe.

Kwituluka mu Mashiko 23:17

“Kesi kukakale cikwizi akati ka vana va vanakazi va vaIsalele, nambe kesi kukakale vundeyi akati ka vana va vanalume va vaIsalele embwe.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yakomba 1:16

Kesi vamikwise, vasamba vange vanjazema!

1 Yowano 3:7

Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”