1 Kolinte 6:6 - Livulu lya Shukulu Kalunga

⁶ Oloni akati keni umo muka-Yesu aya ku mbanja nakusompesa mukwavo, co ecela vaka-kujeneka kukulaela vasompe ije n̄anda!

1 Kolinte 6:6 Iomraidhean Croise

Kushangumuka 45:24

Yosefa watumine vandolome vendi, co vaile. Ikeye wendekele kuli vakevo ngwendi, “Kesi muye nakulizunga mu ngila.”

Vilinga vya Miluwa 7:26

Co alikaki wamwene vaIsalele vavali valinakulwa, co wavakandele wendekele kuli vakevo ngwendi, ‘Eni vanalume tolilileni, yeni muvushoko vweni, omwo vika mulinakulilwisila?’

1 Kolinte 6:1

Nga akati keni ali umo ali na n̄anda na mukwavo muka-Yesu, vatijo aya kuli vaka-kusompa vaje vaka-kujeneka kukulaela kujeneka kuya ku vanu va Njambi ngeci vakenge ije n̄anda?

1 Kolinte 6:7

Ngecivene, omwo yeni muli na vin̄anda akati keni cimwesa ngeci munonwa. Vika kumutavela vamilinge mwamuvi? Vika kumutavela ngeci vamivile?

2 Kolinte 6:14

Kesi mulikutiiye mukambo umolika na vaka-kujeneka kukulaela, omwo kucitava kulinga ngacije. Omwo vushunga na vuvi vyasa kulikumbasana vati? Nambe ceke na lisusulungu vyasa kuyoya amo ndi?

2 Kolinte 6:15

Kilistu na Liyavola vasa kulizivasana vatijo? Muka-kukulaela asa kulitombola vatijo na muka-kujeneka kukulaela?

1 Timateo 5:8

Oloni nga umo kasa kunyunga vavushoko vwendi, vunene kuli vanu vaka-naanga yendi, navyana kukulaela, navihya kutuvakana uje kesi muka-kukulaela.