1 Kolinte 6:12 - Livulu lya Shukulu Kalunga

¹² Umo endeka ngwendi, “Vananjitavesa kulinga vyuma vyoshe.” Eyo, oloni kesi vyuma vyoshe vinapu vyavivwa kuli yove embwe. Njasa kwendeka ngwange vananjitavesa kulinga vyuma vyoshe, oloni kunjitava ngeci cuma cimo cinjipwise ndungo embwe.

1 Kolinte 6:12 Iomraidhean Croise

VaLevi 15:18

Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.

Yowano 5:10

ngecivene, vaka-kushwana va vaYunda valekele uje munalume wakangukile ngwavo, “Lino linapu Litangwa Lyakuhwima, co eci cinapu kulwisa Lishiko lyetu omo unambata linala lyove.”

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

1 Kolinte 9:12

Nga veka vali na moko yakutambula eci kuli yeni, kuma yetu kutwesi na moko yakutuvakana ndi? Oloni kutwapangesele moko yetu. Oloni tunalitakamesa mu vyuma vyoshe kutewa twaka citanukiso mu ngila ya vipangi vya Vin̄anda Vyavivwa vya ali Kilistu.

1 Kolinte 9:27

Oloni Njilinakukolesa muvila wange na vin̄ombe nakuwononwesa, kutewa omo njinasana veka ku vweho, co yange vakanjivyane.

2 Tesalonika 3:9

Twalingile eci, kesi ngwe omwo kutwakele na moko yakuyoyela a vyuma vya vukwaso embwe, oloni twacilingile mukumimwesa ngila ngeci muyikave.

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.