1 Kolinte 6:11 - Livulu lya Shukulu Kalunga

¹¹ Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

1 Kolinte 6:11 Iomraidhean Croise

Myaso 51:2

Njijwelese ku vuvi vwange, na ku kupenga-penga kwange!

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Visimo 30:12

Kuli vanu vamo vakaliyongola ngeci vanapu vakujela, oloni kuvalijelesele ku mazilo avo.

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

VaLevi 14:48

“Nga muka-kukombelela aija nakumonako, ije mbundu-mbundu kuyasholokele omo ije njuvo vanaisalimba laja, co akatumbula ije njuvo ngwendi inajele omo mbundu-mbundu inahumo njwa.

VaLevi 8:6

Co Mosesa wasanene Alone na vana vendi, co wavajwelesele.

Mateo 20:4

ngecivene, wavalekele ngwendi, ‘Neni lalo yeni mukapange ku lihya lyange, njikamifweta muyinapande fweto yeni.’

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Yowano 13:10

Yesu wakumbulwile ngwendi, “Woshe uje najwele kapandele kujwela lalo, kuvanga ku mendi endi lika. Yeni muvavoshe munajele, kuvanga umolika.” (

Yowano 13:8

Petulu wendekele na nzili ngwendi, “Kuujwelesa ku mendi ange embwe!” Yesu wakumbulwile ngwendi, “Nga kunjijwelesa ku mendi ove, kuwasa kupwa lalo ndongisi yange.”

Yowano 5:4

omwo kangelo ka Mwene a simbu na simbu washulukile muje mu lishali nakutupwisa mema. Woshe muka-kuvinja alivangamo, enduka ku mushongo wendi.

Vilinga vya Miluwa 13:39

Co munapande kuzivuka ngeci woshe uje akulaela kuli ikeye napatuka ku vivi vyoshe kuje Lishiko lya Mosesa kulyasele kumipatuka.

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 3:24

Oloni vanavapwisa vaka-vushunga kuli Njambi a vwana vwa kutetela kwa Njambi ali Yesu Kilistu, uje navapatula.

Loma 4:5

Oloni munu uje nemana lika akukulaela kwendi, kesi a vilinga vyendi, co uje akulaela kuli Njambi muka-kusambesa muka-kapayo kupwa wakujeneka mulonga, kunapu kukulaela kwendi kuje Njambi ayongola ngeci amupwise muka-vushunga ku mesho endi.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

Loma 5:9

A n̄ombelo ya kutsa kwendi ololo vanatupwisa vaka-vushunga ku mesho a Njambi, ngecivene, cikahyana manene Kilistu kutwamena ku vukalu vwa Njambi!

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

Loma 8:33

Iyajo asa kuvangela vaje vanaangula Njambi? Njambi ikeye muka-kuvasambesa.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 3:11

Ololo casholoka vushunga ngeci naumo wai ivanapwisa muka-vushunga ku mesho a Njambi akunyunga Majwi a Lishiko, omwo visoneka vyendeka ngwavyo, “Kuvanga lika munu uje ivanapwisa muka-vushunga ku mesho a Njambi akayoya akukulaela.”

Ngalatiya 3:24

Ngecivene, Mashiko apwile muka-kushika kuli yetu noo Kilistu wezile, ngeci vatupwise vaka-vushunga ku mesho a Njambi akukulaela.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

2 Tesalonika 2:13

Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 2:11

Ikeye ajelesa vanu ku vuvi vwavo, co ikeye na vaje vanajelesa voshe vali na lshavo umolika. Ngeci Yesu kesi na shwamwa yakuvatumbula ngwendi vasamba vendi.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

1 Yowano 2:12

Njilinakumisonekela yeni vana vange vavandondo, omwo vivi vyeni vanavisambesa a lizina lya Kilistu.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.