1 Kolinte 6:10 - Livulu lya Shukulu Kalunga

¹⁰ nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

1 Kolinte 6:10 Iomraidhean Croise

Visimo 7:27

Nga muya ku njuvo yendi, co muli mu ngila yakuya ku vukalo vwa vatsi. Ikeyo ngila yayasi yakuya ku kutsa.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Njelemiya 7:11

Kuma mwayongola ngweni Njuvo yange yapwa mwela mwakuvanda vezi ndi? Njinamono vimulinakulinga.

Ezekiyele 22:13

“Njikapangesa nzili yange ali yeni omwo vinganyo vyeni vya makuli vimunanganyala nakutsiya kuje munakala nakutsiya vanu.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Mateo 21:19

Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 23:33

Eni manyoka na vana va manyoka! Vatijo mutewa kusompa kwakuya ku tuhya twa myaka yoshe?

Yowano 12:6

Ikeye wendekele ngeci, kesi ngwe omwo wazemene tuutu embwe, oloni omwo wapwile mwizi. Ikeye wanyungile cipau ca vimbongo, co wakele nakwiva-iva vije vyakelemo.

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Petulu 4:15

Nga umo ayanda, kesi ayande omwo ikeye napu muka-kutsiya nambe omwo ikeye napu mwizi nambe omwo ikeye napu lipwepwe nambe omwo ikeye muka-kulyaka ku vin̄anda vya vakwavo.