1 Kolinte 5:8 - Livulu lya Shukulu Kalunga

⁸ Ngecivene, tulisambeni ciwano cetu, kesi na likende lili na musima walaja wa vuvi na kupenga-penga embwe, oloni na likende lije kulyesi na musima, likende lyakujela na vushunga.

1 Kolinte 5:8 Iomraidhean Croise

Myaso 32:2

Navezika munu uje Shukulu Kalunga kamulavela lalo vivi vyendi, munu uje kesi na makuli mu mbunge yendi.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Kutuuka 12:15

Shukulu Kalunga wendekele ngwendi, “A matangwa atanu na avali kumwapandele kulya makende akwaka musima. Lyeni lika makende akujeneka musima. A litangwa lyakulivanga munapande kutundisa musima woshe mu vinjuvo vyeni, nga umo a simbu ya matangwa aje atanu na avali alya makende akwaka musima, co ikeye kakapu lalo umo wa vanu vange.

Kutuuka 12:19

Kesi mukakale musima mu vinjuvo vyeni a matangwa aje atanu na avali, co nga umo weni alya cuma coshe-icoshe cakwaka musima kakapu lalo umo wa vanu vange, nambe kavushoko keni nambe muka-kwija.

Kutuuka 12:8

Co a vutsiki vuje vene vakalya ije situ yakwoca, vakailye amo na visapa-sapa vyakulula amo na makende akujeneka musima.

Kutuuka 13:6

Ngecivene, munapande kulya makende akujeneka musima a matangwa atanu na avali, co a litangwa lyamucitanu na avali lingileni Shukulu Kalunga ciwano cakumulemesa.

Kutuuka 13:7

Omwo a matangwa atanu na avali kumwapandele kulya makende akwaka musima, kesi kukakale musima nameme makende a musima mu lifuti lyeni lyoshe.

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

VaLevi 23:6

Co a litangwa lyamulikumi na atanu, ku ngonde ije vene mukashangumuka Ciwano ca Makende Akujeneka Musima mukusingimika Shukulu Kalunga, co a matangwa atanu na avali kumwapandele kulya makende akwaka musima.

Mateo 16:12

Asinoni vandongisi vazivukile ngwavo kuma kavalekele kunyanyama ku musima wakulinga mikasha ya makende, oloni kunyanyama ku vilongesa vya vaFaliseo na vaSanduki.

Mateo 16:6

Yesu wendekele navo ngwendi, “Nyanyameni, co linyungeni ku musima wa vaFaliseo na vaSanduki.”

Mako 8:15

Co Yesu wavanangwile ngwendi, “Nyanyameni, co linyungeni ku musima wa vaFaliseo na ku musima wa Helonde.”

Luka 12:1

Vanu vavangi-vangi vakungulukilile amo, co valilyatangelele, Yesu wendekele akulivanga kuli vandongisi vendi ngwendi, “Nyanyameni ku musima wa vaFaliseo, njilumbununa a civembulu cavo.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 8:8

Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

Efeso 6:24

Kutetela kwa Njambi kukale na voshe vaje vazema Mwene yetu Yesu Kilistu na cizemo ca ku myaka yoshe.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

Kwituluka mu Mashiko 16:3

Omo mukalya vyakulya vije, kesi mukalye makende akwaka musima embwe. A matangwa atanu na avali mukailya na makende akujeneka musima. Mukawatumbula ngweni makende a tuyando omwo mwatundile mu Ingito lumbisi. Simbu yoshe yakuyoya kweni mukanuka litangwa lije mwatundile mu lifuti lya Ingito, lifuti lije lya tuyando.

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.