1 Kolinte 5:2 - Livulu lya Shukulu Kalunga

² Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo.

1 Kolinte 5:2 Iomraidhean Croise

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Kulava 25:6

Co kengeni, umo kaIsalele wanenele munakazi wa kaMindyani mu mbalaka yendi ku mesho a Mosesa na mbunga yoshe, simbu vakevo vacikele nakulilila ku cikolo ca Mbalaka Mwakuliwanena.

1 Kolinte 4:18

Vamo veni muli na kulyalesa omwo munayongola ngweni amo kunjikaija kuli yeni.

1 Kolinte 5:13

Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.