1 Kolinte 4:7 - Livulu lya Shukulu Kalunga

⁷ Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

1 Kolinte 4:7 Iomraidhean Croise

Visimo 2:6

Shukulu Kalunga akana mana, kuli ikeye kutunda mana nakuzivisisa.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Luka 19:13

Omo kanda aye, co wasanene vangamba vendi likumi, co wavanene umo na umo mbongo ya ngolinde nakuvaleka ngwendi, ‘Moneni vika mukawanao a vyuma evi a simbu ije omo yange njinai.’

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 3:27

Yowano wavakumbulwile ngwendi, “Naumo wai atambula cuma kuvanga vanamwanaco kuli Njambi.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

Loma 12:6

Ngecivene, tunapande kupangesa vwana vwetu vwakulyangunuka ngwe ku mema ku mbunge a Njambi aje anatumwesa. Nga vwana vwetu vunapu vwakwambulula lijwi lya Njambi, co tunapande kwambulula kupwisa ngwe nakukulaela kwetu tulinakwo,

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

1 Kolinte 7:7

Nameme ngoco njishaka ngwange muva voshe mufwe ngwe yange, oloni munu na munu ali na vwana vuje vwanamwana Njambi, ou na vwana vwendi, mukwavo lalo na vwana vweka.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

1 Petulu 4:10

Umo na umo, ngwe muka-kupangesa mwamuvwa vwana vwa Njambi vwakuliseza-seza, napande kupangesa vwana vwendi vwanatambula kuli Njambi mukukwasa vakwavo veka.