1 Kolinte 4:6 - Livulu lya Shukulu Kalunga

⁶ Omwo ali yeni, vavusamba vange, vyuma evi njinavyetesa kuli Apolo na kuli yange vavenya, mukupangesa yetu tuvavali ngwe cimweso, ngeci mulilongese muvinalumbunukila vyendeka evi ngwavyo, “Nyungeni mashiko amavwa.” Naumo wai akalyalesela ali munu umo nakushaula mukwavo.

1 Kolinte 4:6 Iomraidhean Croise

Myaso 146:3

Kesi ukulaele vantwama va ano asi embwe, munu naumo wai asa kukwamena.

Myaso 8:4

mwa vushunga munu kesi na seo ngeci yove umunyunge.

Isaya 2:22

Kesi mukulaele vanu, omwo simbu ilinakwija omo vakatsa, co vasa kumikwasa vatijo?

Vilinga vya Miluwa 18:24

A simbu ije kaYunda umo lizina lyendi Apolo uje wasemukilile mu Alekizandiliya wezile ku Efeso. Wapwile munu wakwendeka mwamuvwa, co wakele na mana akulumbununa Visoneka.

Vilinga vya Miluwa 19:1

Omo Apolo wakele mu Kolinte, Paulu wendele mu mutambela wa lifuti lije, co wetele mu Efeso. Kuje wawaneneko vandongisi vamo,

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

1 Kolinte 1:12

Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 1:19

Omwo visoneka vyendeka ngwavyo, “Njikanyongesa mana a vaka-kunyanyama, nakuzimangana mana a vaka-kulilongesa.”

1 Kolinte 1:31

Ngecivene, ngwe muvyendeka visoneka ngwavyo, “Woshe uje ashaka kulishasha napande kulishashela a vije vyanalingi Mwene.”

1 Kolinte 13:4

Cizemo cili na lukakateya na kutetela, cizemo kucesi na lifuwa nambe kulyalesa,

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

1 Kolinte 3:21

Ngecivene, naumo wai alishashe a vije vivalinga vanu. Omwo vyuma vyoshe vinapu vyeni,

1 Kolinte 5:2

Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo.

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

1 Kolinte 8:1

Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

1 Kolinte 9:23

Njilinga evi vyoshe omwo muzimbu wauvwa, ngeci tuwanenemo vivezikiso muli ukewo.

2 Kolinte 10:12

Mwa vushunga vene kesi ngwe tulyeseka yetu vavenya nambe kulipwisa yetu vavenya na vamo vaje valinakulyamesa vakevo vavenya nakulyaka ku vukama. Vakevo vapwa vikolokomba! Vakevo valyeseka akati kavo vavenya ngwe kuseteko ya vukama vwavo vavenya a vyuma evi, co valyeseka akati kavo vavenya, vakevo kuvesi na mana!

2 Kolinte 10:15

Ngecivene, kutwasa kulyalesa a vipangi vya veka vije vivanalingi nakutuvakana seteko ije yanatwimikila Njambi. Oloni tuli na cinyangavili ngeci kukulaela kweni cikakula, co ngeci tukase kupanga vipangi vyakama manene akati keni, oloni simbu yoshe tulinakupanga mu seteko eyi yanatwimikila Njambi.

2 Kolinte 10:7

Yeni mulinakumona vyuma ngwe muvinafu ku mutambela wa anja. Kuma kuli munu umo alinakulimona vavenya ngwendi nakundama kuli Kilistu ndi? Eyo, mweseleni aliyongole vavenya lalo, omwo netu lalo tunapu vanu va Kilistu ngwe muje mwanafu ikeye.

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

2 Kolinte 12:6

Nga njashakele kulyalesa, ngwe kunjalipwisile nji cikolokomba, omwo nga njinendeka vushunga. Oloni kunjilyalesa, omwo kunjishaka umo ayongole vyakama ali yange kutuvakana omo nanjimono njipanga nakunjiziva omo njendeka.

2 Kolinte 4:15

Vyuma vyoshe evi vilingiwa omwo yeni, co ngwe kutetela kwa Njambi kukatuma manene nakushemutuka a vanu vavangi, co vakalomba malombelo amangi akukandelela vumpau vwa Njambi.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.