1 Kolinte 4:5 - Livulu lya Shukulu Kalunga

⁵ Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

1 Kolinte 4:5 Iomraidhean Croise

Yombi 12:22

Ikeye afukula vyuma vyakulova vya mu lisusulungu, nakutengulwila lisusulungu lyakama ku ceke.

Visimo 12:8

Munu muka-mana vakamushangazala, oloni cilema vakamukenga na shwamwa.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Mateo 10:26

“Ngecivene, kesi muzivile vanu lyova. Omwo kukwesi cuma cakufwika civakonwa kufukula, nambe cuma cakwendekela mu vushweke kuvanga cikajomboloke.

Mateo 24:30

Asinoni cizivukiso ca Muna Munu cikasholoka mwilu, co miyati yoshe ya ano asi vakalila mbimbi-mitwe omo vakamona Muna Munu alinakwija a mashelwa na nzili na vumpau vwakama.

Mateo 24:46

Navezika ngamba uje, omo shukulu yendi akaija, co akumuwana alinakulinga ngeci.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mateo 25:23

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Luka 6:37

“Kesi muhise vakweni, kutewa neni Njambi akamihisa, kesi mupaye vakweni, kutewa neni Njambi akamipaya, sambeseni vakweni, co Njambi akamisambesa.

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Yowano 21:23

Ngecivene, muzimbu washandokelele akati ka vaka-kukava Yesu ngeci ndongisi ou kakatsi embwe. Oloni Yesu kendekele ngwendi kakatsi, oloni wendekele ngwendi, “Nga njishaka ngwange ayoye noo njikaija, eci cinapu vatijo kuli yove?”

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Loma 14:4

Yove iyajo ngeci uhise ngamba yambala? Kuvanga uje shukulu yendi ikeye aangula nga uje ngamba alinga mwamuvwa nambe onwa. Co alinga mwamuvwa, omwo Mwene ikeye amulingisa ngeci alinge mwamuvwa.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

Loma 2:29

Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 1:7

ngecivene, kumwonwene kutambula civezikiso cimo, omo mulinakuvandamena kusholoka kwa Mwene yetu Yesu Kilistu.

1 Kolinte 11:16

Oloni nga umo ali na vimata a cuma eci, nambe yange nambe vikungulukilo vya Njambi kutwesi na ngila yeka lalo yakulemesela.

1 Kolinte 11:26

Omwo eci cilumbununa ngeci a simbu na simbu omo mulya eli likende nakunwa ku nganja eyi mwambulula kutsa kwa Mwene noo akaija.

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Kolinte 3:14

Nga vipangi vije vyanatungila munu a luvula vikasholoka mwamuvwa ku tuhya, co muka-kutunga akatambula cikandelela.

1 Kolinte 3:8

Kukwesi lyangununo akati ka uje akuna na uje atukumwina, Njambi akaana cikandelela ku munu na munu ngwe ku vipangi vyendi vyanalingi.

2 Kolinte 10:18

Omwo munu vanamwakako omo Mwene namuyongwela vyavivwa ali ikeye, kesi ngwe omwo vavenya naliyongwela ikeye vavenya ngeci napu wamuvwa embwe.

2 Kolinte 10:9

Kunjishaka kulisholola kuli yeni ngwe njeseka kumizivisa lyova mu mikanda yange.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.

Yakomba 5:7

Ngecivene, pweni vaka-kusimpa, vasamba vange, noo Mwene akaija. Kengeni kusimpa kwa ndimi omo avandamena lihya lyendi limene vimbuto vyavivwa. Akavandamena noo na ku nyangao na ku simbu ya ndombo.

Yakomba 5:9

Kesi mulinyenge umo na mukwavo, vasamba vange, ngeci Njambi kesi akamisompe. Lyaako ali kuyehi, ololo vene asholoka.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

2 Petulu 3:12

ngwe omo mucili nakuvandamena Litangwa lya Njambi nakulinga mwamuvwa ngeci liije vwasi, Litangwa lije omo lilu likenya njwa nakunyonga, na vyuma vyakala mwilu vikanyongolokota na ntwima.

2 Petulu 3:4

co vakamihula ngwavo, “Ikeye wakulaesele kwija, indi vati? Ali kulijo? Vakukulwila vetu vanatsi laja, oloni vyuma vyoshe vicili ngwe muvyapwile laja tunde akutanga kwa kaye!”

Yunda 1:14

Inoke lalo uje wapwile wamucitanu na umo ku vatekulwila va Andama, uje ku san̄ulu wambulwile vuka-kwimanena ali vakevo, co wendekele ngwendi, “Kengeni, Mwene akaija na makulukazi a tungelo twendi,

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.